LULESAMISK
LAGA MUNJI! GIELLA aLGO RaJES
BUORISBOAHTEM LaGa MUNJI! DOAJMMAJ Lågå munji! ávttjij duvva guhti la ålles sjattuk jieddnát lågåtjit, rijmmitjit, juojgatjit ja ságastittjat mánájnit. Árra giellaárvus máhttem le ájnas váj mánná sjaddá tjiehpes låhkken maŋenagi, mielastuvvá girjijda, ja oadtju stuorra báhkoboanndudagáv. Ietjá báhkuj de jieddnát låhkåt buorebut mánáv iellemij gárvet Girjjevuorkán li girje juohkka álldarij ja moatte giellaj. Nåvkå dajt luojka. Dån máhtá ádnot girjjevuorkáv diŋŋgut girjijt sábmáj.
Mij gal lijkkup gulldalit! Girje li aj njuorakmánájda.
Galggap gus låhkåt girjev?
Dahkap dav! Boade tjåhkkida!
LAgA ja sAgasta Gå dij låhkåbihtit aktan, sjaddá máná smidáp gulldalittjat ja sáhkadittjat iesj. Giella la ájnas gå mánná maŋenagi oahppá lågåtjit.
Táblutjij tjálatjij skuldik Mihkkil riebij. Gahppadij gahperij gå de táblo smållånij. Jáddi TV:av ja ietjá sjermajt. Lågå ráfen ja sietton. Hávsskudallit aktan såffån.
Subtsasta, juojga ja lávlo midjij!
Bielggetjuvdde, bielggetjuvdde gånnå la? Dála lav, dála la. Buoris, buoris uddni!
LaGa JA SUBTSASTA Jieddnát lågå jali subtsasta gåvåjs. Mánáj mielas le gájkin buoremus gullat áhtje jali iedne gielav.
LaGaDALa MOADDI Máná lijkkuji sæmmi girjev låhkåt moaddi.
LaGa GaJKAV Dij máhttebihtit låhkåt ienep gå girjijt. Låhkit jali jårggålit sábmáj, duola dagu májnnusijt, galbajt, tevstajt avijsan ja mielkkepáhken. Mánná oahppá ådå bágojt ja moallánagájt gå bæssá gullat dajt jieddnát lågådijn. Tjielggi gássjelis bágojt.
Muv tjalmme vuojnná duv Ja muv biellje gullá duv. Muv njálmme javlla ráddna Ja ávujn lávludav: lo lo, lo lo, lolololololo
Le gus gullam sluogas riehpihis gut biehtij gájkajt...
LaGa JUOHKKA SAJEN Guolben. Jivkkombievden. Bussan. Tågan. Vantsan. Stráddun. Fierván. Såffån. Sjaljon. Párkan. Miehtsen. Váren. Låvdagoaden. Teltan.
LaGa IESJ Gå dån lågå, de ham mánnát aj låhkkå.
GUOSSIDA GIRJJEVUORKaV Girjjevuorkán li buorre girjij, jiednagirjij, viessogåvåj ja dáhtáspelaj buojkulvisá. Gájkka máná li buorisboahtem ja e hæhttu sjávvunit ja suojmmot.. Moatten girjjevuorkán li sierra unnagattjaj dåjma.
Akta, guokta, gålmmå, ruvva luojttá tjuolmma, tsi-vi, tsi-vi, tsi-vi!
LaGa GIRJIJT Luojkkit nåvkå girjjevuorkás. Sávvit girjijt vattáldahkan. Oasstit dajt girjjeoassásin. Nehtan, låhkit sábmáj: www.nb.no.
Vanntsa, vantsatjav. Vantsav gesatjav. Låssåt le giesset Låssis vantsatjav.
LaGa aLU I viertti ålov avta bále låhkåt, ájna álu lågåstit.
Lågå sábmáj. Jieddnát låhkåt árvusmahttá máná miella gåvåv, dåbdojt , ståhkusav ja niegojt.
Jieddnát låhkåt mánnásit le vattáldahka ålles iellemij! Lågå munji! ájggu låhkåmav buorren åtsådahttet ja nuora rájes giela oahppamav nannit. Lågå munji! ájggu æjgádijt buoragit æjvvalahttet girjálasjvuodajn, bájke girjjevuorkájn ja varresvuohtastasjåvnåjn. Girjjevattáldagáj baktu mánájda ja æjgádijda vuostasj viessom jagijs, vuodov biedjap buorre ja iellemájgálasj aktijvuodajt sáme giellaj ja sáme girjálasjvuohtaj.
Illustrasjon og design: Vibeke Røgler, ©Foreningen !les 2018, opptrykk 2020
Sámedigge vásstet Lågå munji!-dåjmas. Dási lip arvusmahttemav ja diedojt oadtjum Foreningen !les:as ja Bokstart-prosjevtas. Sámedigge barggáj aj væhkkálakkoj Sáme låhkåmguovdátjijn.