X. Fariña

O nacemento da sociedade rede, que alimentou un novo ecosistema mediático, camiña cara a un escenario no que, ao igual que outros sectores deste modelo capitalista que auspicia desregulacións periódicas, a profesión xornalística non só asume renovados cometidos, senón que caracterízase por un maior peso dos profesionais que deben afrontar a profesión desde o que se agrupa baixo o paraugas do emprendemento. O descenso das persoas que traballan no sector de medios tradicionais, o auxe da precarización laboral e a alta volatilidade de moitas das iniciativas dos medios “nativos dixitais” conduce os novos perfís profesionais por derroteiros con poucos referentes e que teñen en común as consecuencias que se derivan da nube de cambios e a flexibilidade dos modelos coñecidos nos primeiros anos do terceiro milenio. Nesta comunicación analízanse os datos do Estado español, a partir do Informe Anual de la Profesión Periodística 2016, e as consecuencias que se derivan, coas repercusión que ten e terá no exercicio da profesión en Galicia. Para tentar aproximarnos ao panorama en Galicia, fíxose un enquisa propia online que nos permite constatar algunhas tendencias na proximidade.
Palabras chave
Profesión xornalística, xornalismo, sociedade rede, ecosistema mediático.