ایبے
ایبے رومن کیتھولک عیسائیاں دی اک ایہو جہی خانقاہ جس دا متولی ایبٹ دے درجے دا پادری یاں ایبس دے درجے دی راہبہ ہوئے ۔ عیسائیت چ راہبانہ جیون دی شروعات پوپ بینی ڈکٹ دے ویلے توں ہوئیا تے چھیویں تے ستویں صدی عیسوی چ بے شمار خانقاہاں اساریاں گئیاں ۔ 1415ء تک اینہاں دی گنتی 1570 تک جا پہنچی سی ۔ ایہہ گنتی کلے بینی ڈکٹ سلسلے دی اے ۔ اس دے علاوہ مسٹریشین ناں دا اک ہور سلسلہ وی سی ۔ پروٹسٹنٹ فرقے دے سعائی راہبانہ جیون دے قائل نئیں ۔ جدوں انگلستان چ پروٹسٹنٹ مذہب رائج ہوئیا اودوں ساریاں خانقاہاں ختم کر دتیاں گئیاں ۔