Pitor.
Jacopo Carucci, stranomà Pontormo, a l'era nà dël 1494 a Pontormo e a l'é mòrt dël 1556 a Firense.
Dël 1508 a l'é anstalasse a Firense e da là a l'ha pi nen bogià.
Apress dij prim contant con l'art ëd Leonard da Vinci e Piero ëd Cosimo, Pontormo a l'é vnù anlev ëd Bartolomeo Pagholo del Fattorino e d'Andrea del Sarto.
Vers ël 1520 a l'ha anventà un neuv ëstil espressiv fàit ëd figure slongà, ëd linie ancurvà e ëd color ciàir, ch'a trassend la pitura clàssica dl'Arnassensa e a duverta l'época dël manerism.
Dël 1525 a l'han afidaje la decorassion dla capela Capponi ant la cesa ëd Santa Felìssita a Firense.
Ambelessì a l'ha realisà l'armarchèivol fresch ëd l'Anonsiassion e ël tablò dla Deposission da la cros, ch'as treuva ancor an sò pòst original.
- Deposission da la cros (vers ël 1526, euli su bòsch, 313x193 centim; goernà ant la cesa ëd Santa Felìssita a Firense)
- Visitassion (vers ël 1528-1529, euli su bòsch, 202x156 centim; goernà ant la cesa ëd San Michel a Carmignano)
|
|