Di Wikipedia, e ensiklopedia liber
E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Sint Vincent
Sint Vincent ta un isla volkániko den Laman Karibe, i ta e isla mas grandi di e pais Sint Vincent i Grenadinanan. E ta situá entre Sint Lucia i Grenada. Den siglo 18 no tabata sa sigur si e isla tabata pertenesé na Fransia of na Reino Uni, pero el a keda otorgá na e último na aña 1783. Na 1979 el a optené su independensia. Kingstown, ku 19.300 habitante, ta e puerto mas grandi i mas importante di e isla.
E volkan aktivo, Soufrière (1234 m), ta e seru mas grandi i e kumbre mas altu di e pais. E erupshon na 1902 a kosta 1680 persona nan bida; e último erupshon a tuma lugá dia 9 di aprel 2021.[1]