Malayalam
| Malayalam മലയാളം | ||
|---|---|---|
| ||
E nomber Malayalam den skritura Malayalam
| ||
| Populacion di usuario |
6.000.000 | |
| Rango | 29 | |
| Codigo | ||
| ISO 639-1 | ml | |
| ISO 639-2 | mal | |
| ISO 639-3 | mal | |
| ||
Region den India unda ta papiá Malayalam
| ||
Malayalam (മലയാളം) ta un lenga di India, ku ta pertenesé na e famia di idioma dravídiko. E ta e idioma ofisial di e estado indio di Kerala, i di e teritorio uní di Islanan Lakkadive. Ademas, e idioma ta ser papiá den algun distrito ku tin frontera ku Kerala i dor di algun minoria indio den paisnan árabe. E idioma tin mas o ménos 35.7 mion papiadó.
Historia[editá | editá fuente]
Entre aña 800 i 1000 malayalam a evolua for di e dialektonan oksidental di tamil, ya ku e dialektonan aki tabata isolá for di e resto di e teritorio lingwístiko dor di e serunan "Ghats Oksidental". E idioma a pèrdè e konekshon entre e verbo i e suheto. Ademas, e tin su propio eskritura. E promé obra literario den e idioma aki, Ramaciaritam, probablemente a ser skirbí den siglo diesdos. Den e edat medieval tabatin un estilo literario yamá "manipravalam", ku tabata permití e uso liber di fuentenan leksikal di tantu malayalam komo sanskrit den un solo obra. Kontrali na tamil, e vokabulario di malayalam ainda ta kontené un gran porsentahe di palabra prestá for di sanskrit, un idioma indo-oropeo antiguo.