Frå Wikipedia – det frie oppslagsverket
Logoen til turneringa
Europaligaen (engelsk; UEFA Europa League) er ei årleg fotballturnering for europeiske fotballag som vert arrangert av UEFA.
Europaligaen har vore arrangert sidan 2009, og kom i staden for UEFA-cupen som vart nedlagt det året. Også ei anna fotballturnering, UEFA Intertoto Cup, vart nedlagt samstundes. Turneringa omfattar ei utvida rekke med kvalifiseringskampar, basert på rangering av ulike nasjonale seriar. Sjølve Europaligaen opnar med gruppespel, der dei beste klubbane går vidare til cupspel. Når dei avgjerande cuprundane tek til, får også nokre lag utslegne or Meisterligaen plass i Europaligaen.