Wikipedia Minangkabau - Lubuak aka tapian ilimu
Universitas Diponegoro disingkek sabagai Undip (bahaso Jawa: ꦈꦤꦶꦮ꦳ꦼꦂꦱꦶꦠꦱ꧀ꦢꦶꦥꦺꦴꦤꦼꦒꦺꦴꦫꦺꦴ) adolah sabuah paguruan tinggi negeri di Indonesia nan balokasi di Semarang, Jawa Tengah, Indonesia. Kini ko Undip alah mampunyoi 11 Fakultas jo 2 Sekolah. Kampus utamo Undip talatak di daerah Tembalang, jo kampus utamo lainnyo talatak di daerah Pleburan. Undip didirikan pado tanggal 9 Januari 1957 sabagai Paguruan Tinggi Swasta jo baru mandapek status sabagai Paguruan Tinggi Negeri pado tanggal 9 Januari 1960. Kata Diponegoro diambiak dari namo pahlawan nasional, yaitu Pangeran Diponegoro nan marupokan pangeran pengobar sumangek kamerdekaan dari tindakan kolonialisme Bulando di awal abad ke-18. Sumangek ikolah turuik manginspirasi pandirian Undip. Badasarkan Paraturan Pemerintah Nomor 52 Tahun 2015, Undip ditatapkan statusnyo manjadi Paguruan Tinggi Negeri Badan Hukum.
Di tingkek nasional, manuruik hasia SBMPTN tahun 2020, Undip manduduki paringkek kalimo pado rumpun ilmu Sains-Teknologi (Saintek) jo nilai rataan tatinggi mahasiswa nan ditarimo sagadang 592,55 jo paringkek kalimo pado rumpun ilmu Sosial-Humaniora (Soshum) jo nilai rataan tatinggi mahasiswa nan ditarimo 583,80.[6]