Wikipedia Minangkabau - Lubuak aka tapian ilimu
Saadah Alim adolah salah surang wartawan dan panulih nan mampunyoi paratian panuah pado pajuangan jo kasataroan kaum padusi di zamannyo. Salah satu bukti nan dikarajoannyo adolah mandirian sarato manabikan Majalah Soeara Perempoen taun 1924, majalah ko adolah majalah nan mampunyoi visi pagerakan untuak kaum padusi di Nusantara.
Inyo adolah padusi kalahiran Padang, Sumatera Barat, 9 Juni 1897. Inyo adolah panulih padusi Indonesia partamo, nan mampublikasikan tulisannyo manggunoan namo pena Aida S.A.
- Sakolah Guru (Kweekschool).
Inyo bakarajo sabagai pangaja di HIS (Hollandsch Inlandsce School), panamoan sakolah Balando untuak bumiputra nan didirian Balando sabagai konsekuensi politik etis pado taun 1914. Salanjuiknyo, inyo manjadi guru Meijes Normaal School (sakolah guru padusi) di Padang Panjang. Salain manjadi guru, inyo juo saurang jurnalis jo panulih nan andal di zamannyo. Buktinyo iyolah kiprah dan perannyo mandirian jo manabikan Majalah Soeara Perempoen,
Saadah manikah jo Alim Sutan Maharajo Besar. Kadunyo mampunyoi tujuah urang anak. Ampek urang padusi dan tigo urang putra. Saadah Alim maningga pado Akaik, 18 Agustus 1968, di rumahnyo Jalan Salemba Tangah 14, Jakarta Pusat. Mayiknyo dimakamkan di Karet. Sadangkan suaminyo, maningga 10 taun sabalunnyo.[1]
- ↑ Chaniago, Hasril (2018). 121 Wartawan Hebat dari Ranah Minang. Padang: Biro Humas Setda Sumatera Barat. pp. 366-367. ISBN 978-602-51382-0-1.