Surah (Arab:سورة) adolah pambagian nan ado di dalam Al-Qur'an. Al-Qur'an dibagi manjadi 114 bab nan disabuik "surah". "Surah" itu diatur manuruik panjangnyo, dari nan tapanjang sampai nan tapendek, kacuali nan partamo (Surah Al-Fatihah), nan disabuik "Pambukakan".
Al-Qur'an tadiri ateh 114 surah, 30 juz jo 6236 ayat manuruik riwayaik Hafsh,[1] 6262 ayat manuruik riwayaik ad-Dur, atau 6214 ayat manuruik riwayaik Warsy.[2] Surah-surah dalam Al-Qur'an tabagi ateh surah-surah makkiyah jo madaniyah tagantuang pado tampek jo wakatu panurunan surah tasabuik (Makah atau Madinah, sabalun atau sasudah hijrah).
Pambagian Al-Qur'an manjadi surah-surah marupoan pambagian nan ditulihan dek al-Quran surang. Ayat-ayat nan mamuek kato "Surah" antaro lain Surah An-Nur ayat 1, at-Taubah ayat 86, jo al-Baqoroh ayat 23. Umumnyo, pambarian namo surah disasuaikan jo tema nan dibicarokan surah tasabuik atau jo namo nan alah ado dalam surah, sarupo "al-Baqoroh", "Al 'Imran", jo "al-Isro'". Dalam naskah-naskah lamo aI-Quran, namo-namo surah acok ditulihkan jo namo samisal "Surah nan mambicarokan jawi batino [al-Baqoroh]" atau "Surah nan mambicarokan keluarga Imron [Al Imron]".
Kadang juo babarapo kato atau bahkan kalimaik dari suatu surah dipakai untuak manamokan surah, sarupo surah "Iqro' Bismi Robbika", "Innaa Anzalnaahu", jo "Lam Yakun". Sifaik suatu surah juo dapek digunokan untuak manamokan surah itu, sarupo surah "Faatihatul Kitaab", "Ummul Kitaab", "as-Sab'ul Matsani", "al-Ikhlas", jo "Nisabatur Robbi". Namo-namo jo sifaik-sifaik iko alah ado pado maso awal Islam badasakan kasaksian jo sijarah. Bahkan, namo sabagian surah alah disabuikan dalam babarapo hadits Nabi, sarupo surah al-Baqoroh, Ali 'Imron, Hud, jo al-Waqi'ah nan mangindikasikan baso namo surah-surah tasabuik alah ditantukan di zaman Muhammad jo bukan sasuatu nan ditantukan dek Muhammad sacaro syar'i.
Barikuik iko marupoan daftar surah dalam Al-Qur'an badasarkan Mushaf Al-Qur'an Utsmani. Jumlah surah ado 114 surah tabagi manjadi 2 tampek pawahyuan: Makkah jo Madinah jo ayat bajumlah 6236 ayat manuruik riwayaik Hafsh.[1]
- ↑ a b (Arab) Mushaf al-Madinah an-Nabawiyah (bi-Riwayah Hafsh). Madinah: Mujamma' al-Malik Fahd li-Thiba'ah al-Mushaf asy-Syarif. Halaman Ba'.
- ↑ (Arab) Mushaf al-Madinah an-Nabawiyah bi-Riwayah ad-Durr 'an Abi Amr al-Bashri. Madinah: Mujamma' al-Malik Fahd li-Thiba'ah al-Mushaf asy-Syarif. Halaman Jim.
- Allamah M.H. Thabathaba'i (1987). Mengungkap Rahasia Al-Qur'an. Bandung: Mizan.