1621

1618 - 1619 - 1620 - 1621 - 1622 - 1623 - 1624

1621 (MDCXXI) waor e gewoen jaor wat begós op 'ne vriedag op de Gregoriaanse kalender en e gewoen jaor wat begós op maondag op de Juliaanse kalender.

Gebäörtenisse

22 miert - Hugo de Groot wèt in ein bokenkis te óntsjnappe oet zien gevangesjap in sjlot Loevesjtein.
31 mieërt – Philipp III van Sjpanje en Portugal (1598–1621) sjturf op 42-jaorige laeftied. Ziene zoon Philipp IV volg häöm op.
3 juni - De Wes-Indische Compagnie (WIC) verkriet octrooj van de Sjtate-Generaal óm es ènnige maatsjappiej hanjel te drieve op Amerika en de weskus van Afrika. 't Monopolie gèldj veur 25 jaor.
18 december - 't Èngelsje Leëgerhoes protesjteert taenge zien weinige rechte en privileges. De sjriever John Selden wirt verdach van 't eigelikke sjrieve van 't protes en daoróm opgesjlaote in de Tower.

In de Tachtigjaorige Aorlog hernumme nao 't Twelfjaorig Besjtand de viejandelikheje tösje de Nederlenj en Sjpanje.
De vestingsjtad Sluis in Zeëuwsch-Vlaandere doorsjteit opnuuj eine Sjpaanse aanval.
De sjtad Göteborg wirt gesjtich door Gustaaf II Adolf van Zjwede.
De Nederlandjer Snellius verrich ein graadmaeting tösje Alkmaar en Berge op Zoom, later veurtgezat tot Mechele. Hae vundj veur 1º (1 graad) in oes maot 107,39 km (Musschenbroek vundj later 111,57 km).
Uponyuvarat I volg zien vader Vorawongse II op es de 23e keuning van Lan Xang.
Jan Pieterszoon Coen euverrómpelt mèt ein gewelddadige expeditie de Banda-eilenj, die taenge 't verbod van de VOC in, toch notetmusjaat blieve verkoupe aan Portugeze en Britte. Dees eilenj vormde destieds de ènnige plek in de waereld wo dees gezochte sjpeceriej veurkaom. Wae Banda in bezit hej, dae hej 't monopolie. De gouverneur - generaal Coen arriveert mèt 2000 man en de eilandje waere oetgemaord; de bevolking daovan woort vervange.
Acadië (Acadia) in Canada wirt aan lord Stirling gesjónke en kriet de naam "Nova Scotia" (Nuuj Sjotlandj).
René Descartes veurt biej zien óntwikkeling van de analytische maetkunde de coördinate in.