1482
Gebäörtenisse
[bewirk | brón bewèrke]- 19 jannewarie - 'n Portugese expeditievlaot ónger leijing van Diogo d'Azambuja stich de ieëste Europese versterking ane Afrikaanse wèskus: Sao Jorge d'El Mina.
- 27 mieërt - Maria van Bourgondië störf naodet 't van 't paerd vèltj. Zienen driejäörge zoon Filips volg 'm op ónger voeagdiesjap van ziene neet-populaire pap Maximiliaan I van Oeasteriek. De kleine graof en zie zöster zeen aevel nag ummer in henj vanne Gentenieëre.
- 't Voeagdiesjap van Maximiliaan vèltj bie Vlaandere en Braobantj in kwaoj aerd. Zie staon d'rop det vraej wuuert geslaote mit Grankriek, meh de vórs veultj min veure óngónstige veurwaerd vanne vraej aan te numme, ónger anger ómdet daomit 't hertogdóm Bourgondië veur ummer wuuert aafgestange.
- 14 juli - In de stried tösse de Kabeljauwse ridder Egbert van Wassenaar en d'n Hoekse bórgemeister van Utrech, Dirk van Zuylen, wuuert 't kestieël De Haar verneeldj.[1]
- 16 juli - De Kabeljauwse ruteraanveurder Jan van Schaffelaar springk vannen tore van Barneveld. Hae euverlaef 't valle en wuuert esnag door de Hoeke gedoeadj.
- 28 juli - Troepe van Lodewiek XI van Frankriek vereuvere de Artesische vestingstad Ariën-aan-de-Leie.
- Sjotse aedelmen sloete keuning Jacobus III op in 't Kestieël van Edinburgh. Ingelse troepe trèkken op nao Edinburgh en de Sjotte wantroewe häören Ingelsgezindje vórs.
- 26 augustus - Me begintj mit 't belègk van IJsselstein door de Utrechse Hoeke ónger Jan III van Montfoort.
- 30 augustus - Willem I van der Marck Lumey vermaord de prins-buusjop van Luuk Lodewiek van Bourbon in 'n poeaging dem zienen eige zoon Jan van der Mark es opvölger aan te stèlle.
- 14 september - De Bourgondiërs hereuvere de stad Hasselt op Luuk.
- 16 september - 't Belègk van IJsselstein wuuert opgebraoke doordet de Kabeljauwse troepen van Frederik van Egmont genieëke.
- 23 dieëtsember - Ónger drök van de Vlaamse stej sluutj de regent van de Nederlenj Maximiliaan I van Oeasteriek de Vraej van Atrech (1482) mit Frankriek en lègk zich daomit neer bie 't verlees van de Bourgondische èrflenjer.
- Keuning Jacobus III van Sjotlandj nump nao 't aafslaon van d'n Ingelsen aanval zien plaats trögk in.
Gebaore
[bewirk | brón bewèrke]- 29 juni - Maria van Aragón, keuningin van Portugal (gestórve 1517)
Gesjtorve
[bewirk | brón bewèrke]- 27 fibberwarie - Johan van Nassau-Wiesbaden-Idstein (~42), Duutsje kanunnik
- 27 mieërt - Maria van Bourgondië (25)
- 16 mei - Anthonis de Roovere (52), Brögksen dichter en prozasjriever
Boewkóns
[bewirk | brón bewèrke]-
De Gouden Leeuw, Goedereede (1482)
- ↑ Het Utrechts Archief: 14 juli 1482: Kasteel De Haar in brand