Árni Páll Árnason

Árni Páll Árnason (ÁPÁ)
Fæðingardagur:	23. maí 1966 (1966-05-23) (58 ára)
Fæðingarstaður:	Reykjavík
4. þingmaður Suðvesturkjördæmis
Flokkur:	Samfylkingin
Þingsetutímabil
2007-2013	í Suðvest. fyrir Samf. ✽
2013-2016	í Suðvest. fyrir Samf.
✽ = stjórnarsinni
Embætti
2007-2009	Formaður Íslandsdeildar Norðurlandaráðs
2009	Formaður allsherjarnefndar
2009-2010	Félags- og tryggingamálaráðherra
2010-2011	Efnahags- og viðskiptaráðherra
2013-2016	Formaður Samfylkingarinnar
Tenglar
Æviágrip á vef Alþingis – Vefsíða

Árni Páll Árnason er varaforseti Eftirlitsstofnunar EFTA, fyrrum þingmaður Suðvesturkjördæmis, fyrrum formaður Samfylkingarinnar - jafnaðarflokks Íslands og fyrrverandi félagsmálaráðherra og efnahags- og viðskiptaráðherra.

Árni Páll lauk stúdentspróf frá Menntaskólanum við Hamrahlíð 1985 og lögfræðiprófi frá Háskóla Íslands 1991. Hann stundaði nám í Evrópurétti við Collège d’Europe í Brugge í Belgíu 1991-1992, í Evrópurétti við Harvard Law School / European University Institute í Flórens 1999. Árni Páll varð héraðsdómslögmaður 1997.

Hann var ráðgjafi utanríkisráðherra í Evrópumálum 1992-1994, deildarsérfræðingur á viðskiptaskrifstofu utanríkisráðuneytisins 1994 og lögfræðingur varnarmálaskrifstofu 1994-1995. Hann starfaði sem lögmaður með eigin rekstur og ráðgjafi 1998-2007.

Eftir að stjórnmálaferli Árna Páls lauk starfaði hann sem varaframkvæmdastjóri Uppbyggingasjóðs EES frá 2018-2021 og sem varaforseti ESA, Eftirlitsstofnunar EFTA, frá 2022.

Árni Páll sat á þingi fyrir Samfylkinguna í Suðvesturkjördæmi frá árinu 2007 til 2016. Árni Páll komst ekki inn á þing í kosningunum árið 2016 þegar Samfylkingin hlaut afhroð kosninga með 5,7% og aðeins þrjá þingmenn inn.

Hann var félags- og tryggingamálaráðherra 2009-2010 og efnahags- og viðskiptaráðherra frá 2010 til 2011.

Árni Páll var kjörinn formaður Samfylkingarinnar í febrúar 2013, og hafði betur með 62,2% gegn Guðbjarti Hannessyni í kjörinu, sem allir flokksmenn í Samfylkingunni gátu tekið þátt í með netkosningu. Oddný G. Harðardóttir tók við af Árna sem formaður flokksins árið 2016.

  Þetta æviágrip er stubbur. Þú getur hjálpað til með því að bæta við greinina.