Úr Wikipediu, frjálsa alfræðiritinu
San Salvador er höfuðborg og stærsta borg El Salvador og samnefndrar sýslu innan landsins.[1] Borgin er stjórnsetur og menningar-, mennta- og efnahagsmiðstöð landsins.[2] Alls búa 2.404.097 manns á stórborgarsvæði San Salvador, sem nær yfir borgina sjálfa og 13 af sveitarfélögum hennar. Á þéttbýlissvæðinu búa 1.600.000 manns.[3]
San Salvador er mikilvæg fjármálamiðstöð Mið-Ameríku. Borgin hýsir ríkisstjórn El Salvador, löggjafarþing El Salvador, hæstarétt El Salvador og fleiri ríkisstofnanir auk híbýla forseta El Salvador. San Salvador er staðsett á salvadorska hálendinu og er umkringd eldfjöllum þar sem jarðskjálftar eru tíðir. Kaþólska erkibiskupdæmið í El Salvador er staðsett í San Salvador ásamt miðstöðvum fleiri kristinna kirkjudeilda, þar á meðal höfuðstöðvum evangelista, mormóna, baptista og hvítasunnukirkjunnar. Í San Salvador er næststærsti söfnuður Gyðinga í Mið-Ameríku og lítill söfnuður múslima.
Ýmsir alþjóðlegir íþrótta-, stjórnmála- og samfélagsviðburðir hafa verið haldnir í San Salvador. Árin 1935 og 2002 voru Miðameríku- og Karíbahafsleikarnir haldnir þar, Mið-Ameríkuleikarnir árin 1977 og 1994 og fegurðarsamkeppnin Ungfrú Alheimur árið 1975. Árið 2008 hélt borgin 18. leiðtogafund spænsku- og portúgölskumælandi ríkja, mikilvægasta þjóðfélagspólitíska viðburð þessara menningarsvæða.
|
---|
|
- Basseterre, Sankti Kristófer og Nevis
- Belmópan, Belís
- Bridgetown, Barbados
- Castries, Sankti Lúsía
- Gvatemalaborg, Gvatemala
- Havana, Kúba
- Kingston, Jamaíka
- Kingstown, Sankti Vinsent og Grenadínur
- Managva, Níkaragva
- Mexíkóborg, Mexíkó
- Nassá, Bahamaeyjar
- Ottawa, Kanada
|
- Panamaborg, Panama
- Port-au-Prince, Haítí
- Port of Spain, Trínidad og Tóbagó
- Roseau, Dóminíka
- San José, Kosta Ríka
- San Salvador, El Salvador
- Santó Dómingó, Dóminíska lýðveldið
- St. George's, Grenada
- Saint John's, Antígva og Barbúda
- Tegucigalpa, Hondúras
- Washington, D.C., Bandaríkin
| |
|