Managua esas chef-urbo e maxim grand urbo di Nikaragua, e la 2ma maxim granda urbo en habitantaro de Central-Amerika. Ol esas la maxim importanta industriala, komercala, kulturala e komunikala de Nikaragua.
L'origino di lua nomo esas Nahuatl vorto Mana-ahuac, qua signifikas "cirkume l'aquo".
Historio
Fondita en 1819 sub la nomo Leal Villa de Santiago de Managua, ol divenis Nikaraguana chef-urbo pos William Walker destruktar Granada en 1857. De 1852 til 1930 l'urbo kreskis e plubonigis lua substrukturo. En 1876 e 1885 okuris severa inundadi. En 1931 okuris forta ter-tremo ed en 1936 okuris granda fairo. Dum la guverno di Anastasio Somoza García e lia familio (1936 til 1979) l'urbo rikonstruktesis e komencis kreskar rapide. Nova guvernala edifici e nova industrii konstruktesis, e nova universitati inauguresis, ma la progreso haltesis kande en 23 di decembro 1972 okuris nova forta ter-tremo, qua destruktis 90% dil centro de l'urbo e mortigis plu kam 19,120 personi.[3] Lokala substrukturo sufris serioza domaji, e la korupto di Somoza-rejimo atribuis altra uzi por l'internaciona fundi uzebla por rikonstruktar l'urbo.
Nikaraguana revoluciono en 1979 revokis Somoza-rejimo, ma pose komencis 11-yara interna milito kontre le Contras, qui recevis pekuniala ed armeala helpo de Usa. Pos la partiso Unión Nacional Opositora—UNO vinkar l'elekti en 1990 la milito finis, ma livis granda destruktado. Por facar la situeso plu mala, diversa naturala dizastri okuris, exemple en 1998 l'uragano Mitch.
Gradope, plu kam 300,000 Nikaraguani retroiris a Managua depos finar la milito. Li portis kapitalo e konoco por entraprezar, l'aferi prosperis, nova domi e skoli konstruktesis, l'aeroportuo expansesis, stradi larjigesis e nova komerceyi inauguresis o sufris expanseso. En 2006 pos FSLN riganar povo la sistemi di saneso, eduko e rikonstrukturo dil urbo recevis nova koloki.
Referi