Z Wikipedije, swobodneje encyklopedije
42.3316-83.0475
Detroit (francosce Détroit) je wulkoměsto na juhowuchodźe US-ameriskeho zwjazkoweho stata Michigana a z nimale 700.000 wobydlerjemi najwjetše město tohole stata. Nadeńdźe so bjezposrědnje při kanadiskej hranicy při rěce Detroit River mjez jězorom Lake St. Clair na sewjeru a Erieskim jězorom na juhu.
Sydlišćo bu dnja 24. julija 1701 wot francoskeho kapitana Antoine de la Mothe Cadillac załožene jako Ville d’Etroit („město při přeliwje“). W 19. lětstotku bě Detroit historiske wuchadźišćo a hač do 20. lětstotka tež srjedźišćo ameriskeje awtomobiloweje industrije. Dla spadowanja industrije je so ličba wobydlerstwa města samoho mjez 1950 a 2010 wot 1,85 milionow na 690.000 znižiła. W lěće 2010 wučini podźěl afroameriskeje ludnosće někak 83 %.