Z Wikipedije, swobodneje encyklopedije
Malajiski mjedwjedź (zwjetša Helarctos malayanus, druhdy Ursus malayanus) je družina mjedwjedźow (Ursidae).
Malajiski mjedwjedź je najmjeńši mjedwjedź a docpěje dołhosć wot něhdźe 1,4 m a wysokosć ramjenjow wot maksimalnje 70 cm. Jeho koža je krótka, hładka a čorna. Klama je swětła. Ma běłojty hač oranžožołty muster na hródźi. Jeho žratwa wobsteji z rostlinow, płodow, małkich zwěrjatow a mjedu.
Malajiski mjedwjedź je žiwy w juhowuchodnej Aziji, předewšěm w južnej Chinje, zadnjej Indiskej, na kupomaj Sumatra a Borneo. Wón so zwjetša tam na štomach zdźerža.
- Wolfgang Puschmann (wud.): BI-Lexikon Zootiere. VEB Biobliographisches Institut, Leipzig 1989. , strona 244 (němsce)
- Meyers Taschenlexikon Biologie, In 3 Bänden, 2. zwjazk, ISBN 3-411-12023-1, strona 161 (němsce)