www.fgks.org   »   [go: up one dir, main page]
Saltar ao contido

Patrimonio da Humanidade en Togo

Na Galipedia, a Wikipedia en galego.
Localización dos sitios de Togo na lista do Patrimonio Mundial.

O Patrimonio da Humanidade da Organización das Nacións Unidas para a Educación, a Ciencia e a Cultura (UNESCO) componse de lugares de importancia para o patrimonio cultural ou natural descritos na Convención do Patrimonio Mundial da UNESCO, estabelecida en 1972.[1] O patrimonio cultural está formado por monumentos (como obras arquitectónicas, esculturas monumentais ou inscricións), grupos de edificios e ruínas (incluíndo sitios arqueolóxicos). As paisaxes naturais (constituídas por formacións físicas e biolóxicas), as formacións xeolóxicas e fisiográficas (incluíndo os hábitats de especies de animais e plantas ameazadas) e os lugares naturais que son importantes dende o punto de vista da ciencia, a conservación ou a beleza natural, defínense como patrimonio natural.[2] Esta é unha lista do Patrimonio da Humanidade en Togo, especificamente clasificada pola UNESCO e elaborada de acordo con dez criterios principais, cuxos puntos son xulgados por especialistas na área. Togo ratificou a convención o 15 de abril de 1998, convertendo os seus lugares elixíbeis para a súa inclusión na lista.[3] No ano 2023, Togo tiña un único lugar Patrimonio da Humanidade, Koutammakou, país dos batammariba, o cal comparte con Benín.[4]

Lista de lugares Patrimonio da Humanidade

[editar | editar a fonte]
Nome: segundo aparece no Comité do Patrimonio da Humanidade
Rexión: de Togo
Ano da inclusión: na lista da UNESCO
Datos da UNESCO: o número de referencia do sitio; o ano en que o xacemento foi inscrito na Lista do Patrimonio Mundial; os criterios nos que apareceu: os criterios de (i) a (vi) son culturais, mentres que de (vii) a (x) son naturais.[5]

     * Lugar transnacional

Nº Nome Imaxe Localización Ano da inclusión Datos da UNESCO Descrición
01 Koutammakou, país dos batammariba Rexión de Kara 2004 1140; v, vi (cultural) A paisaxe de Koutammakou, no nordeste de Togo e no veciño Benín, é o fogar dos batammariba, cuxas notables casas-torre de barro son coñecidas como takienta (sikien en plural). A natureza está fortemente asociada cos rituais e crenzas da sociedade aquí. A paisaxe é excepcional pola arquitectura das casas-torre que reflicten a estrutura social; as súas terras de cultivo e bosque; e as asociacións entre persoas e paisaxe. Os edificios agrúpanse en aldeas, que inclúen tamén espazos cerimoniais, fontes, rochas sagradas e lugares reservados para cerimonias de iniciación.[6]

Notas

[editar | editar a fonte]
  1. ↑ UNESCO, ed. (21 de novembro de 1972). "Convención para a Protección do Patrimonio Mundial, Cultural e Natural" (PDF). 
  2. ↑ "Convention Concerning the Protection of the World Cultural and Natural Heritage". UNESCO World Heritage Centre. Arquivado dende o orixinal o 1 de febreiro de 2021. Consultado o 3 de febreiro de 2021. 
  3. ↑ UNESCO (ed.). "Togo na UNESCO". 
  4. ↑ "Togo". UNESCO. Consultado o 20 de novembro de 2023. 
  5. ↑ "UNESCO World Heritage Centre – The Criteria for Selection". UNESCO World Heritage Centre. Arquivado dende o orixinal o 12 de xuño de 2016. Consultado o 17 de agosto de 2018. 
  6. ↑ "Koutammakou, the Land of the Batammariba" (en inglés). UNESCO World Heritage Centre. Consultado o 2023-11-20. 

Véxase tamén

[editar | editar a fonte]

Outros artigos

[editar | editar a fonte]
Traído desde «https://gl.wikipedia.org/w/index.php?title=Patrimonio_da_Humanidade_en_Togo&oldid=6793178»