Harizpi bikoitzeko erretrotranskribatutako DNA birus
Kate bikoitzeko erretrotranskibatutako DNA birus bat edo kbDNA-AT birus bat, kutsatzen duen zelulan alderantzizko transkripzioaren bidez, hau da, DNAzko moldetik abiatuta tarteko RNA eratuz ugaltzen den DNAzko genoma duen birus mota bat da. Baltimoreko sailkapeneko VII. taldeko birusak dira.
Ugalketa
Birus partikuletan dagoen DNAzko genoma kutsatutako zelulan bi modutan transkribatzen da:
- RNA mezulariaren bidez birus proteinen sintesirako.
- RNA aurregenomikoaren bidez genoma ugaltzeko.
Biralki kodetutako alderantzizko transkriptasak RNA aurregenomikoa erabiltzen du molde bezala birusaren DNA genomikoa sortzeko.
| Proteinen sintesia: | dsDNA → mRNA → proteinak |
| Genomaren ugalketa: | dsDNA → (+)ssRNA → RNA/DNA → dsDNA |
| Enzimak: | Kutsatutako zelularen RNA polimerasak.: dsDNA → mRNA, dsDNA → (+)ssRNA Birusak kodetutako alderantzizko transkriptasa: (+)ssRNA → RNA/DNA → dsDNA |
Xehetasun gehiagoz, birusaren ugalketak honako etapa hauek ditu:
- Birusaren DNAren sarrera nukleoan eta konponketa kutsatutako zelularen konponketa mekanismoaren bidez.
- DNAren transkribapena kate bakarreko RNA positibo eta RNA mezularian.
- RNA mezulariaren itzulpena zitoplasman, non birus proteinak ekoitzi eta metatzen diren, horien artean alderantzizko transkriptasa bat.
- Birus proteinen elkarreragina kate bakarreko RNA positiboarekin, protobirioien elkarketa eta RNAren alderantzizko transkribapena birioien barnean RNA/DNA konplexu batean alderantzizko transkriptasaren bidez.
- Birioiaren azken helketa eta irteera gemazio bidez Hepadnaviridaeren kasuan.
- Genoma partzialki kate bikoitzekoa den DNAzko molekula zirkular eta ez kobalenteki itxi bat izan daiteke 3,2 base pareko luzerarekin (Hepadnaviridae), edo baita kate bikoitzeko DNA molekula bat, bi kateetan ezjarraikortasunak dituena, 8 base pareko luzerarekin (Caulimoviridae)
Espezieak
Talde honek bi familia ditu: Hepadnaviridae, ornodunak kutsatzen dituena eta B hepatitisaren birusa barne duena, eta Caulimoviridae, landareak kutsatzen dituena eta azaloreko mosaiko birusa barne hartzen duena.