Kutaiso (kartvele: ქუთაისი Kutaisi) estas la dua plej granda urbo de Kartvelio, situanta en okcidento de la lando (Imeretio), ĉe la rivero Rioni. Ĝi havas internacian flughavenon kaj du mondajn heredaĵojn de Unesko: la katedralon Bagrati kaj la monaĥejon Gelati, ekster la urbo.
Kutaiso havas malgrandan internacian flughavenon (koto: KUT), 14 km okcidente. Wizz Air ofertas malmultekostajn flugojn de multaj eŭropaj urboj al Kutaiso.
La kompanio GeorgianBus provizas busan konekton de la flughaveno al Kutaiso kontraŭ 5 larioj, al ajna adreso, kiun vi petas. Ĝi ofertas ankaŭ rektajn busojn al Tbiliso kaj Batumo.
De Kutaiso veturas busetoj al Tbiliso, Batumo kaj Borĝomi.
Katedralo Bagrati
- Katedralo Bagrati (ბაგრატის ტაძარი): konstruita en la 11-a jarcento, ĝi estis multfoje damaĝita dum sia historio kaj renovigata dum la lastaj cent jaroj.
- Sinagogo, strato Boris Gaponov.
- Parlamento de Kartvelio: ĝi estis konstruita en 2012 por malcentrigi la landon, sed fine de 2018 la parlamento estis movita reen al Tbiliso.
Monaĥejo Bagrati
- Monaĥejo Gelati (გელათის მონასტერი): ĝi estis fondita en 1106 de la reĝo Davido la Konstruanto. Busetoj veturas de malantaŭ la teatro Mesĥiŝvili je 10:00, 12:00, 14:00, 16:00, 18:00 kontraŭ du larioj.
- Prometea groto (პრომეთე მღვიმე)
|
Ĉi tiu artikolo estas ankoraŭ ĝermo kaj bezonas vian atenton. |