Mano
La mano (el la latina lingvo manus) estas la parto de la brako de homo aŭ alia primato, kie la membro finiĝas. Ĉi tiu parto de la membro estas speciale uzata por teni kaj preni aĵojn. Mano estas konektata al la brako per la pojno. Norme, mano havas kvar fingrojn kaj unu dikfingron.
Fermita mano nomiĝas pugno.
Proverbo
Ekzistas pluraj proverboj pri mano en la Proverbaro Esperanta de L. L. Zamenhof, inter ili[1]:
„ Al loko dolora ni manon etendas, al loko ĉarma okulojn ni sendas. ” „ Du manoj faras ĉion, sed unu nenion. ” „ Kiu volas panon, ne dorlotu la manon. ”
Galerio
