Эскишехир
шеэр
Эскишеэр Eskişehir
Викианбарда Эскишеэр
|
Эскишехир - Тюркие Джумхуриетининъ бир виляети. Тарихтаки эски ады Дорлион эди. Анкаранынъ гъарбий ягъында олгъан Эскишехирнинъ люлеташы намлыдыр. Шеэрнинъ ортасындан Порсук озени кече. Демир ёлларынынъ кесишим нокътасындадыр. Анкара ве Истанбул киби эки балабан шеэрнинъ арасында къалгъаны ичюн инкишаф эткендир. Янъы ясалгъан вызлы трен де Эскишехирден кече. Эалиси 600 000 кишиден зияде. Учь университети (Анадолу, Осман Гъази Универтитетлери ве Эскишехир Текник) олгъаны ичюн талебе шеэри деп билине. Тюркиенинъ энъ земаневий шеэрлеринден биревидир.
Тюркиеде энъ къалабалыкъ къырымтатар тамырлыларнынъ олгъаны шеэр. Шеэр эалисининъ тахминен 20% къырымтатар тамырлыдыр. Шеэрнинъ белли къырымтатар тамырлы адамлары арасында раметли Хасан Полаткан (Тюркиенинъ эски малие назирлеринден), раметли Сезаи Аксой (шеэрнинъ эски беледие реислеринден), Сюрейя Озькефе, Нихат Атаджан, Билал Аджунер, Енал Качыра, Ильхан Мансыз (Тюркиенинъ эски миллий футбол такъымы футболджылары), Джунейт Аркын (керчек ады Фахреттин Джуреклибатур, намлы кино оюнджысы) бардыр.