Müslüm Məmmədov (nazir)

Müslüm Məmmədov
Müslüm Məmmədov 1989-cu ildə
Azərbaycan Kommunist Partiyası Bakı Şəhər Komitəsinin birinci katibi
1989 – 13 fevral 1990
Əvvəlki	Fuad Musayev
Sonrakı	Rüfət Ağayev
Azərbaycan SSR xalq təhsili naziri
10 avqust 1988 – 13 yanvar 1989
Əvvəlki	vəzifə təsis edilib
Sonrakı	Rafiq Feyzullayev
Azərbaycan Kommunist Partiyası Nəsimi Rayon Partiya Komitəsinin birinci katibi
1969 – 1975
Əvvəlki	vəzifə təsis edilib
Sonrakı	Lidiya Rəsulova
Şəxsi məlumatlar
Doğum tarixi	1931
Doğum yeri	Lahıc, Azərbaycan
Vəfat tarixi	1999
Vəfat yeri	Bakı, Azərbaycan
Partiya	Sovet İttifaqı Kommunist Partiyası (1957–1991)
Təhsili	Moskva Dövlət Universitetinin Tarix fakültəsi[d] (1950–1954)
Təltifləri

Müslüm Rəcəb oğlu Məmmədov (1931, Lahıc – 1999, Bakı) — Bakı Şəhər Nəsimi Rayon PK‑nın birinci katibi, Azərbaycan SSR xalq təhsili naziri (1988–1989).

Müslüm Məmmədov 1931‑ci ildə İsmayıllı rayonunun Lahıc qəsəbəsində anadan olub. 1949‑cu ildə ADU‑nun tarix fakültəsinə daxil olub. 1950‑ci ildə MDU‑ya köçürülüb. 1954‑cü ildə Mixail Vasilyeviç Lomonosov adına Moskva Dövlət Universitetinin tarix fakültəsini bitirib.

Müslüm Məmmədov Astraxan bazarda (indiki Cəlilabad) əmək fəaliyyətinə başlayıb, müəllim, rayon xalq maarifi şöbəsinin inspektoru (1957–1958), Azərbaycan Dövlət Təhlükəsizlik Komitəsinin əməkdaşı (1960–1962), Azərbaycan KP MK‑nın təbliğat və təşviqat şöbəsinin mühazirəçisi, mühazirəçilər qrupunun rəhbəri (1962–1963) vəzifələrində çalışıb. 1963‑cü ildə Sovet İttifaqı KP MK yanında İctimai Elmlər Akademiyasının aspiranturasına daxil olub. 1966‑cı ildə tarix elmləri namizədi alimlik dərəcəsi alıb. 1966–1969‑cu illərdə Azərbaycan KP MK Aparatında işləyib, Bakı Şəhər Nəsimi Rayon PK‑nın birinci katibi (1969–1975), Məşədi Əzizbəyov adına Azərbaycan Neft və Kimya İnstitutunda partiya tarixi kafedrasında baş müəllim, dosent, kafedra müdiri əvəzi (1976–1988) işləyib. "Qırmızı Əmək Bayrağı" ordeni və medalla təltif olunub. Bir müddət Azər baycanın xalq təhsili naziri (1988–1989), Bakı Şəhər PK‑nın birinci katibi (1989–1991) vəzifələrində çalışıb.

Müslüm Məmmədov 1999‑cu ildə vəfat edib.^[1]