A Batalla de Las Landas de Tolosa (16 de chulio de l'anyo 1212), dita tamién batalla d'al-'Uqab (معركة العقاب) u A Batalla en as cronicas d'a epoca, estió una batalla decisiva en o conflicto d'a Reconquiesta porque ye o punto en que a hechemonía musulmana da paso a la hechemonía d'os reinos cristianos. En ista batalla luitoron d'una banda as tropas d'o Reino de Castiella, d'o Reino de Navarra, d'a Corona d'Aragón, d'o Reino de Portugal y as Órdens militars, y d'atra banda os almuades.