Hilf:Beobachtigsliste
D'Beobachtigsliste isch e Spezialsite, wo de Nutzer deby hilft, d'Änderige an re beliebigi Azahl vo sälber zämmegstellte Site z überwache und z beobachte. D'Funktion wird jedem agmäldete Nutzer zur Verfiegig gstellt. Du findsch dini eigeni Beobachtigsliste, indem dr am obere rächte Äck, wo d'Gleicher uff dini Nutzer- und Diskussionssite, Ystellige, Bydräger und d'Abmäldigssite z finde ßin, uff „Beobachtigslischte“ klicksch oder über s Süechfäld oder e Gleich d'Site Spezial:Beobachtungsliste uffrüefsch.
Uff dine persönlige Ystellige chasch uff de Riter „Beobachtigslischte“ klicke. Uff de Site, wo dr deno anechunnsch, chasch ystelle, was alles uff diner Beobachtigsliste azeigt werre soll (Azahl vo Artikel, Usblände vo gsichtete/nit gsichete Bydräg oder sonige vo anonyme/agmäldete Nutzer usw.).
Du chasch uff verschydeni Arte Artikel zu diner Beobachtigsliste züefiege:
- Du rüefsch de Artikel uff; über em Titel findsch e Schaltflächi „Beobachte“ näbe säller zum Verschiebe. Wenn de dört druff klicksch, no wird de Artikel zu diner Beobachtigsliste züegfiegt. An de glyche Stell chasch au scho beobachteti Artikel widder druss entferne, indem dr uff „Nümm beobachte“ klicksch.
- De chasch, wenn dr e Site am bearbeite bisch, under de Zämmefassigszyle, de Artikel zu de Beobachtigsliste züefiege: dört findsch e Chästli zum Awähle mit em Titel „Dä Artikel beobachte“.
- Wenn dr alli Artikel, wo dr bearbeitsch, in automatisch in d'Beobachtigslise uffneh lo wottsch, no müesch bi de Ystellige under „Beobachtigsliste“ di entsprächendi Option awähle.
Wenn dr e Artikel in d'Beobachtigsliste uffnimmsch, no wird automatisch au sini Diskussionssite uffgnoh.
Du chasch dini eigeni Beobachtigsliste über d'Schaltflächi rächts obe uffrüefe. Uff de Site, wo dr dänn ane chunnsch, chasch ystelle, wie vyli Bearbeitige azeigt werre und uss wellem Zitruum si stamme solle. Zudem chasch einzelni Gruppe vo Bearbeitige us- oder yblände lo (vo Bots, vo dir sälber und agmäldete/anonyme Nutzer; gsichteti und chleini Änderige). Witer unde chasch e Namesruum uswähle und dr alli Änderige an beobachtete Site uss sällem Namesruum azeige lo, indem dr uff „Sueche“ klicksch. Wenn dr vorher „Uswahl umkehre“ awählsch, no werre alli Änderige an Site azeigt, wo nit in sällem Namesruum ßin.
Dini Beobachtigsliste isch für anderi Nutzer nit sichtbar.
E Alternative für d'Beobachtig vo-n-re Site isch d'Funktion „Verlinkts prüefe“, wo dr bi jeder Site im Wärchzügchäschtli (links unde) findsch. Uff de Site, wo dr durch s Aklicke ane chunnsch, werre alli Änderige an Site azeigt, wo vo derre Site druff verlinkt wird.
Du chasch dich usserdem per E-Mail über Änderige an de Site in diner Beobachtigsliste informiere lo. Lüeg dodezüe uff de Site Wikipedia:E-Mail-Benochrichtigung.