Bevölkerigsdichti
Uffäuig dür höchi Bevöukerigsdichti: Bangladesh, Japan, Java, Korea, Indie, Oschtchina, Niederlande, Grossbritannie, Niudeuta, US-Ostchüschte
D Bevölkerigsdichti isch d mittleri Azau vo Ywohner pro Flächi für nes bestimmts Gebiet (Staat, Region oder ähnliches), ir Regu agäh i Ywohner pro km². Me tuets errechne, indem me d Ywohnerzau vom Gebiet dür d Flächi vom Gebiet teilt.
Mängisch wird dr Kehrwärt, d'Arealitätsziffer agäh (Flächi pro Ywohner).
Byspiu[ändere | Quälltäxt bearbeite]
Ds Land mit dr
- höchschte Bevölkerigsdichti: Monaco 16'620 Yw./km²
- chlynschte Bevölkerigsdichti: Grönland 0,025 Yw./km²
Zum Verglych:
- Dütschland 231 Yw./km²
- Liachtasta 218,8 Yw./km²
- Schwiz 183,9 Yw./km²
- Öschtrych 99,5 Yw./km²
Ussagekraft[ändere | Quälltäxt bearbeite]
Wil ime Land nöd alli Gebiet (z. B. Gwässer, Gletscher, Gebirge, Wüestene, militärischi Sperrzonene usw.) chönd bewohnt wärde, sind die Zahle nu bedingt ussagekräftig. Gnauer wär d Besidligsdichti, wo me nu mit de theoretisch bewohnbare Flächi rächnet.