威廉·傑佛遜·克林頓(William Jefferson Clinton,原名William Jefferson Blythe III,1946年8月19號—)係美國第42任總統,1993年至2001年在任。
克林頓做總統之前做過阿肯色州長,佢曾經連任失敗,其後佢東山再起,並且一做就做咗十幾年。1992年佢競逐美國總統,擊敗當時在任嘅老布殊當選。克林頓喺1996年贏出總統選舉連任。
佢響第二個任期同白宮女職員萊溫斯基發生性關係,畀國會議員攻擊。克林頓因為響聽證會作假口供而俾國會彈劾。最後克林頓展開全國電視演說做騷,終於避過彈劾。雖然佢仍然可以完成任期,直到今日,佢仍然俾人笑係鹹濕總統。
佢老婆希拉莉係前參議員,喺2008年美國總統民主黨初選輸咗畀奧巴馬,之後被任命做美國國務卿。
2023年4月,克林頓話佢後悔喺佢做總統嗰陣說服烏克蘭放棄核子武器,佢話如果烏克蘭有核武嘅話,俄羅斯就唔會入侵烏克蘭[2]。