Ang Detroit ay ang pinakamataong lungsod ng Michigan, Estados Unidos. Matatagpuan ito sa Ilog Detroit na kumokonekta ng Lawa ng St. Clair sa Lawa ng Erie (ng Great Lakes) sa timog-silangang bahagi ng estado. Isang pangunahing lungsod-industriyal at sentro ng paglululan sa bapor, kilala ang Detroit bilang sentro ng paggawa ng mga kotse sa Estados Unidos. Subalit nararanasan nito ang matinding pagbaba ng populasyon simula noong 1950, dulot ng mga humihinang industriya ng kotse at bakal. Ang populasyon nito noong 1950 ay 1,849,568 katao, subalit bumaba iyon sa 713,777 katao ayon sa senso noong 2010. Ayon sa pagtataya noong 2015, inilalagay ang populasyon ng Detroit sa 677,116.