Мавод аз Википедиа — донишномаи озод
Викикитоб (англ. Wikibooks) — вебгоҳ барои навиштани китобҳои дарсии дастаҷамъӣ, ки мувофиқи технологияи «вики» аз рӯи принсипҳои иттилооти озод кор мекунад: ҳар фард имкон дорад, ки китоби дарсӣ ва саҳифаҳои дилхоҳашро тағйир диҳад, ва ройгон онро мутолиа, нусхабардорӣ, интишор ва мундариҷаашро тағйир диҳад.
«Викикитоб», бо ҳарфи сатрӣ, ҳамчунин маҷмӯи саҳифаҳоро дар ин вебгоҳ дар назар дорад, ки ба як фан бахшида шудааст (масалан, Викикитоб — китоби дарсӣ, ки дар асоси технологияи вики навишта шудааст).
Графики афзоиши шумораи саҳифаҳои машҳури бахшҳои забонии Викикитоб
Баъди таъсис ва рушди Википедиа, ҷомеаи корбарони он ба қароре омад, ки чунин вебгоҳе барои навиштани китобҳои дарсӣ эҷод кунад. Сайти Викикитоб 19 июли соли 2003 дар фонди «Викимедиа» таъсис дода шуд .[1] Ба монанди Википедиа дар қисматҳои забонии Викикитоб аз рӯи шумораи маводҳои дарсӣ забони англисӣ пешсаф аст.[2]
То ҳоло қисмати забони тоҷикии Викикитоб таълиф нашудааст.