తీగలపహాడ్, తెలంగాణ రాష్ట్రం, మంచిర్యాల జిల్లా, నస్పూర్ మండలానికి చెందిన జనగణన పట్టణం, రెవెన్యూ గ్రామం. 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత ఆదిలాబాద్ జిల్లా లోని మంచిర్యాల మండలంలో ఉండేది. పునర్వ్యవస్థీకరణలో దీన్ని కొత్తగా ఏర్పాటు చేసిన నస్పూర్ మండలం లోకి చేర్చారు.[2] ఈ పట్టణం నస్పూర్ పురపాలక సంఘంలో భాగంగా ఉంది.[3]
తీగలపహాడ్ పట్టణ విస్తీర్ణం 2.80 కి.మీ2 (1.08 చ. మై) గా ఉంది.
ఇక్కడికి సమీపంలో నస్పూర్, తిలక్ నగర్, మంచిర్యాల, శ్రీశ్రీ నగర్, ర్యాలి, నాగారం, గద్పూర్, గుడిపేట, సుబ్బపల్లి, పెద్దంపేట, దొనబండ, కర్ణమామిడి, కొండేపల్లి, రాపల్లి, హాజీపూర్, చందనాపూర్, వేంపల్లి గ్రామాలు ఉన్నాయి.[4]
2001 భారత జనాభా లెక్కల ప్రకారం,[5] తీగలపహాడ్ పట్టణంలో 33,070 మంది జనాభా ఉన్నారు. అందులో పురుషులు 51% మంది కాగా స్త్రీలు 49% మంది ఉన్నారు. తీగలపహాడ్ సగటు అక్షరాస్యత రేటు 64% కాగా, జాతీయ సగటు 59.5% కంటే ఎక్కువగా ఉంది. ఇందులో పురుషుల అక్షరాస్యత 71% కాగా, స్త్రీల అక్షరాస్యత 55%గా ఉంది. తీగలపహాడ్లోని జనాభాలో 11% మంది 6 సంవత్సరాల కంటే తక్కువ వయస్సుగలవారు ఉన్నారు.
- పోచమ్మ దేవాలయం
- శ్రీ సిద్ధి వినాయక దేవాలయం
- జామ్ మసీదు
- నూరి మసీదు
ఇక్కడికి సమీపంలోని మంచిర్యాల, రవీంద్రఖని ప్రాంతాలలో రైల్వే స్టేషన్లు ఉన్నాయి. మంచిర్యాల నుండి తీగల్పహాడ్కు రోడ్డు కనెక్టివిటీ ఉంది.[6]