Linguo esas sistemo, en qua audala signi produktesas kun parol-organi. Per linguala signi homo expresas sua pensi. Ca signi nomizesas linguala expresuri. Per helpo di skribo on povas igar linguala expresuri videbla, altre dicante, lektebla. En gesto-linguo linguala expresuri esas videbla, ma ne audebla. Linguo esas o naturala od artificala.
Hieroglifi, formo di skribar l'anciena Egiptiana linguo e un ek la maxim antiqua formo di skribo. L'unesma skribita dokumenti evas plu kam 5000 yari, ma parolata lingui posible originis dekmile yari ante nun.
La traito di naturala linguo esas:
- Ol evolucionis dum yarmili en ula socio homala.
- Ol esas primara, altre dicante matrala, linguo di ula individuo, quo adoptis, ne studiis, nomizata linguo dum sua infanteso.
- On uzas la linguo en diversa eventi kom moyeno di komuniko e kom moyeno por komprenar od intelektar la mondo.
Naturala lingui klasifesas:
- segun linguala traiti e tipi aden tipologio
- segun genezo aden familii (historial-komparanta studio).
Specifika:
Wikipedio
Commons
Commons havas kontenajo relatante a: