Тырынф
Тырынф (стар.-грэч.: Τίρυνς) — археалагічны помнік на поўдні Грэцыі ў 15 км на поўдзень ад Мікен, які адносіцца да перыяду Мікенскай цывілізацыі.
| Мікены і Тырынф* | |
|---|---|
| Mycenae and Tiryns** | |
| Сусветная спадчына ЮНЕСКА | |
| |
| Тып | культурны |
| Крытэрыі | i, ii, iii, iv, vi |
| Спасылка | 1 |
| Рэгіён*** | Еўропа |
| Гісторыя ўключэння | |
| Уключэнне | 1999 (23 сесія) |
| * Міжнародная канвенцыя «ЮНЕСКА» ** Назва ў афіцыйным англ. спісе *** Рэгіён па класіфікацыі ЮНЕСКА | |
Гісторыя
правіцьТырынф як адзін з галоўных цэнтраў Мікенскай цывілізацыі ўзгадваўся ў пісьмовых крыніцах Старажытнай Грэцыі. Ужо Гамер казаў пра яго моцныя сцены. З Тырынфам звязаныя міфічныя цыклы пра Геракла і Персея.
Раскопкі Тырынфа пачаліся ў 1831 г. У 1876 г. Генрых Шліман прыняў старажытныя сцены за сярэднявечныя і ледзь не разбурыў іх для далейшых пошукаў на іх месцы. Далейшыя раскопкі праводзіліся нямецкімі археолагамі да 1938 г. Пасля II Сусветнай вайны раскопкамі распараджаліся ўлады Грэцыі.
Археалогія
правіцьРаскопкі паказалі, што паселішча на месцы Тырынфа ўзнікла ў неаліце, аднак яго росквіт прыйшоўся на бронзавы век, перыяд панавання ахейцаў.
У друг. пал. II тыс. да н. э. быў ўзведзены акропаль, які ўяўляў сабою ўмацаваную на пагорку рэзідэнцыю манарха. Яго будаўніцтва праходзіла ў тры этапы:
- 1500-1400 гг. да н. э.
- 1400-1300 гг. да н. э.
- 1300-1200 гг. да н. э.
Пад час уварвання дарыйцаў Тырынф панёс вялікія страты, але археолагі ўпэўнены, што палац быў бесперапынна населены да VIII ст. да н. э. У класічны перыяд горад меў ужо другараднае значэнне. У 468 г. да н. э. ён быў разбураны Аргасам.
-
Знутры
-
План акропаля
-
Фрэска, каля 1200 г. да н. э.
-
Жаночая статуэтка, каля 1280 г. да н. э.
Спасылкі
правіць- Мікенская крэпасць Тырынф Архівавана 11 кастрычніка 2015.
- Сайт ЮНЕСКА
| Сусветная спадчына ЮНЕСКА, аб’ект № 941 рус. • англ. • фр. |