Ғәрәбстан диңгеҙе
| Ғәрәбстан диңгеҙе | |
|---|---|
 | |
| Урынлашыуы | Һинд океаны |
| Майҙаны | 3 862 000[1] км² |
| Иң ҙур тәрәнлек | 5803[2] м |
 Гоа буйындағы пляж | |
 Ғәрәбстан диңгеҙе Викимилектә | |
Ғәрәбстан диңгеҙе (ғәр. بحر العرب, фарс. دریای عرب, урду بحیرہ عرب, һинд अरब सागर, сомал. Bada Carbeed, ингл. Arabian Sea) — Һинд океанының төньяҡ өлөшөндәге диңгеҙ. Көнбайышта Ғәрәбстан һәм көнсығышта Һиндостан ярымутрауҙары менән сикләнгән.
Атамаһы
Диңгеҙ европа һәм ғәрәп диңгеҙселәренә төрлө атамалар менән билдәле булған: Эритрея диңгеҙе[3], Синдху диңгеҙе (Синдху Сагар)[4], Йәшел диңгеҙ, Оман диңгеҙе, Фарсы диңгеҙе һәм Һинд-Ғәрәп диңгеҙе[5].
География
Диңгеҙҙең дөйөм майҙаны — 3 862 000 км²[1]. Максималь киңлеге — 2400 км. Максималь тәрәнлеге — 5803 м.[2] Диңгеҙгә ҡойоусы иң ҙур йылға — Һинд.
Иң ҙур ҡултыҡтары: көнбайышта Ҡыҙыл диңгеҙ менән Баб-әл-Мәндәб боғаҙы аша тоташтырыусы Аден ҡултығы һәм төньяҡ-көнбайышта Фарсы ҡултығы менән тоташыусы Оман ҡултығы.
Диңгеҙ буйында Сомали, Джибути, Йәмән, Оман, Иран, Пакистан, Һиндостан һәм Мальдив утрауҙары илдәре урынлашҡан.
Эре ҡалалары — Карачи, Аден, Маскат, Мумбаи, Коччи һ. б.
Иң ҙур утрауҙары: Сокотра (Йәмән), Масира (Оман), Астола (Пакистан).
Иҫкәрмәләр
- ↑ 1,0 1,1 Arabian Sea, Encyclopædia Britannica
- ↑ 2,0 2,1 Географический атлас. — М.: ГУГК, 1982. — С. 206. — 238 с. — 227 000 экз.
- ↑ The Periplus of the Erythraean Sea:Travel and Trade in the Indian Ocean by a Merchant of the First Century 2013 йыл 2 декабрь архивланған.
- ↑ Geographica Indica — The Arabian Sea
- ↑ Аравийское море // Брокгауз һәм Ефрондың энциклопедик һүҙлеге: 86 томда (82 т. һәм 4 өҫтәмә том). — СПб., 1890—1907. (рус.)