Si Jimmy Donal Wales (sinasayod /ˈdoʊnəl weɪlz/; namundag Agosto 7, 1966) sarong Amerikanong paranegosyo sa Internet asin katuwang na kagtogdas saka tagatulod kan Wikipedia asin iba pang mga proyektong mga pang-wiki, na anas proyektong pangserbisyo publiko asin bakong pangnegosyo. Siya man an kagtogdas kan pribadong negosyo sa internet na Wikia, Inc..[4]
Siya namundag sa Huntsville, Alabama. An saiyang magurang iyo sinda Jimmy, sarong manager nin tindahan na grocery asin si Doris, na katuwang an saiyang lola, si Emma, nagpadalagan nin sarong sadit na eskwelahan na primarya na kun saen siya asin an tolo niyang tugang nagpoon mag'aradal.[5]