“Wikipedia:免责声明”版本间个差别

维基百科是内容开放个在线个百科全书，伊是由个人搭仔团体志愿合作开发个人类知识个共有资源。箇只计划个体系允许任何人通过网络来修改其内容，故咾请注意侬勒拉箇埭寻着个内容，並弗一定畀任何相关领域个专家或者专业人员审查过，因此维基百科呒没办法保证畀侬看个信息是完善、正确、可靠个。

箇並弗指侬勒拉维基百科浪寻弗着有价值个信息搭仔正确个信息，只是维基百科弗保证箇埭个信息个有效性。任何特定条目个内容侪可能勒拉最近畀人修改脱、破坏脱或者畀对相关领域认知状况弗一致个人改过。请注意，大多数百科全书同参考作品也有差弗多个免责声明。

呒没正式个同行评审[编辑]

阿拉社群当中活跃个编写人会得用Special:最近更改搭仔Special:新建页面工具来监视新个搭仔更改个内容。必过，维基百科个内容并呒没普遍接受同行评审；虽然讲读者好修改错误或者参与到非正式个同行评审当中去，伊拉並呒没法律义务箇能介做，故咾侬勒拉箇埭看到个获得个所有信息侪弗对或是针对特定目的或是一般使用个适用性提供任何暗示个保证。即使讲有星条目已经通过同行评审或者通过典范条目等个评选，伊拉还是咾有可能勒拉侬浏览之前刚刚修改过。

假使讲维基百科里向或者链接到外部网站个信息弗准确或者涉及到诽谤，作者、参与者、赞助者、管理员或者其他任何跟维基百科有关个人侪弗会得对此负责。

呒没合同，呒没有限许可[编辑]

请确认侬晓得，侬勒拉箇埭获得个信息侪是自由个、免费个，任何人搭侬呒没契约或者合同关系，无论是本站个用户、所有人、服务器提供商、任何维基百科参与个人自家、管理员，还是其他任何跟本计划搭仔相关计划有直接或者间接关系个个人或者团体。勒拉有限许可下头，侬好随便从本站拷贝任何内容，但箇並弗表示维基百科或者伊个代理人、成员、组织人或者其他用户对伊承担任何契约性个或者契约以外个责任。

除脱知识共享 — 署名-相同方式共享 4.0 国际协议（CC-BY-SA）搭仔GNU自由文档许可证（GFDL），侬搭维基百科之间呒没协议跟使用或者修改箇星信息有关系；维基百科浪也呒没任何人应该对修改、编辑或者移除脱侬勒拉维基百科浪或者相关计划浪张贴个任何信息负责。

商标[编辑]

维基百科条目里向用个或者提到个任何商标（包括服务商标、集体商标），或者是设计权搭仔提到个其他权利，侪属于渠对应所有人个财产。维基百科条目个原作者勒拉箇埭根据CC-BY-SA搭仔GFDL许可方案来用箇星商标，箇个意思並弗是侬也好做相同或者类似目的个使用。除脱另外有说明，维基百科或者维基媒体基金会跟任何箇类权利个所有人之间弗会有关系，故咾也呒办法授权侬用任何受到保护个内容。侬勒拉用任何箇种或者相似个无形财产个辰光要自家承担风险。

人格权[编辑]

维基百科包括好确认身份个活拉个或者最近过世个人个传记。勒拉某些司法管理区，有关人格权个法律限制随便用活拉个人或者最近故脱个人个照片，独立于箇星图个著作权状态。勒拉用箇星类型个内容之前，请确保跟你个目的相关个法律啊是真个畀侬用箇星内容个权利。侬需要对确保弗侵犯其他人个人格权全权负责。

司法管辖区搭仔内容合法性[编辑]

请注意，侬拿侬拉箇埭寻着个信息发布出去有可能会得违反侬勒拉个国家或者司法管理区个法律。维基百科个数据库侪存拉美国个服务器里向，故咾所有内容侪受到当地法律搭仔美国联邦法律个保护。侬勒拉个国家或者司法管辖区个法律有可能呒没对相同种类个言话或者发行进行保护。维基百科並弗鼓励任何人违反法律，故咾假使侬链接到箇只域名或者使用、拷贝、转载本站个信息，维基百科呒办法为可能个违反法律个做法负责。

呒没专业意见[编辑]

假使讲侬到箇埭个想法是看到具体个建议（比方讲勒拉医学、法律或者风险管理方面咾啥），请侬去咨询一名注册或者勒拉目标领域里向有能力个专业人士。