Fundación Wikimedia

Fundación Wikimedia
	Imaxina un mundo no que todo ser humano poida compartir libremente a suma de todo o coñecemento
Tipo	fundación, entidade filantrópica e wiki hosting service
Campo de traballo	coñecemento libre
Área de operación	mundial
Data de fundación	20 de xuño de 2003
Fundador(es)	Jimbo Wales
Presidente/a	Natalia Tymkiv (2021-)
Director/a	Sue Gardner, Lila Tretikov, Katherine Maher, Brad Patrick e Maryana Iskander
Nº de empregados	450 (2021)
Organización subsidiaria	Wikimedia Korea, Wikimedia Deutschland, Wikimedia España e Wikimedia, LLC
Premios	OSM Innovation Award
Sede	San Francisco
Enderezo	1 MONTGOMERY ST STE 1600 94104 SAN FRANCISCO
País	Estados Unidos de América
Na rede
	https://wikimediafoundation.org/
	[ editar datos en Wikidata ]

A Wikimedia Foundation, Inc. (en galego: Fundación Wikimedia) é a organización matriz da Galipedia (Wikipedia), Galizionario (Wiktionary), Galicitas (Wikiquote), Galilibros (Wikibooks), Galifontes (Wikisource), In Memoriam 9/11, Wikimedia Commons, Wikidata, Wikispecies, Wikinews, Wikiversity, Wikivoyage e a abandonada Nupedia. É unha fundación sen fins lucrativos que obedece ás leis do estado da Florida nos Estados Unidos. A súa existencia foi anunciada polo antigo director xeral de Bomis e cofundador da Wikipedia, Jimbo Wales, o 20 de xuño do 2003. A coordinación de todos os proxectos Wikimedia, incluído MediaWiki, está en Meta-Wiki e nas distintas listas de discusións.

Etimoloxía[editar | editar a fonte]

O nome da Wikimedia é unha mestura entre wiki e multimedia, este nome foi acuñado por Sheldon Rampton nunha lista de correo en marzo do 2003. Os nomes de dominio https://web.archive.org/web/20190904133753/https://www.wikimedia.org/ e http://wikimediafoundation.org foron adquiridos para a fundación por Daniel Mayer. Os nomes e marcas dos servidores da Wikimedia son de propiedade dos propios proxectos da Wikimedia e MediaWiki. Os colaboradores posúen os contidos baixo a licenza GNU FDL previndo que calquera persoa controle os contidos.

Servidores[editar | editar a fonte]

Nun principio, a organización contaba con 15 servidores. Co paso do tempo, fixeron falta máis servidores debido ao crecente tráfico diario. Isto provocou que nun período de 18 meses se pasase desa cantidade a 200 servidores. Actualmente^[cando?] o número está en 400.

Nos primeiros anos, os servidores de Wikimedia utilizaron como software unha mestura de distintas versións das distribucións Red Hat e Fedora. En outubro do 2008^[1] comezou a mudar os seus 400 servidores a Ubuntu, coa finalidade de simplificar a administración dos mesmos.