باسكال
بليز پاسكال Blaise Pascal (اتولد فى 19يونيو1623 - مات فى 19أغسطس 1662) هو عالم فيزيا ورياضة وفليسوف فرنساوى مشهور جدا اتشهر هذا العالم بتجاربه التي عملها على السوايل فى مجال الفيزياء وعمل كمان شغل كتير خاص بنظرية الاحتمالات فى علم الرياضة. واخترع باسكال الالة الحاسبة.واعماله فى ضغط السوائل ادت الى اختراعه لمبدأ اسمه قانون باسكال اللى ظهر فى الخمسنيات من القرن السبعتاشر, وبينص المبدأ على ان السوايل الموجودة فى الاوعية(الجرادل) بتنقل ضغوط متساوية فى كل الجهات. ساعدت تجارب باسكال على اثبات ان الهوا ليه وزن وان ضغط الهوا ممكن ان ينتج فراغ.
وقدم باسكال هو وعالم الرياضيات الفرنساوى بيير دى فيرمات نظرية الاحتمالات وصمم باسكال سنة 1654 تنظيم ثلاتى من الارقام بيكون فيه كل رقم مساوى لمجموع الرقمين اللى جنبه من ناحية اليمين ومن الشمال فى الصف اللى فوقيه علطول والنظام ده اللى اسمه مسلس باسكال بيستخدم فى حساب الاحتمالات.
حياته[تعديل]
ولد باسكال فى مدينة كليرمون - فيراند بفرنسا كان نبوغه فى الرياضه من صغره. انضم باسكال للحركة الدينية التي تسمى بالجانسينية وفى اواخر سنة 1654 دخل دير من اديرة الجماعة فى مدينة بورت - رويال واتهمت المنظمة اليسوعية الجانسينيين دول بالبدعة. وادانت المنظمة قائد الحركة انطونى ارنولد ورد باسكال على الاتهام ده بنشر 18 كتاب صغير ساخر وسماه الرسايل الريفية وكان للكتب دى شعبية كبيرة اوى فى سنة 1656 و1657.
دافع باسكال عن عقيدته لغاية ما مات واتوجدت حبة من الاعمال اللى لم يكملها بعد ما مات ويعبر هذا العمل عن ايمان باسكال بان هناك حدود للحقايق التي من ممكن للعقل ادراكها. وان الايمان بالرسالة المسيحية من القلب هو المرشد الحقيقى للحقايق.
انجازاته[تعديل]
باسكال له انجازات كثيرة جدا فى علوم كثيرة مثل الفيزياء والرياضة ويعتبر باسكال ابو حساب الاحتمالات كما ان لديه اعمال كثيرة فى التحليل المتناهى الصغر والهندسة الاسقاطية وعلم الحساب مثل الاعداد الطبيعية والاعداد المثلثية وتطبيقات مثلث باسكال الكثيرة.
الالة الحاسبة[تعديل]
يعتبر اختراع باسكال للالة الحاسبة التي تعمل العمليات الحسابية الاساسية الاربعة من اعظم الاختراعات لان هذا الاختراع هو الذي اوصل الانسانية لاختراع الكومبيوتر واخترعها باسكال لكي تعمل حسابات والده بسرعة وبدون جهد فى التفكير
