एस्थेर आचें पुस्तक
-
- Hea vixoiavoir Romi Konknnint boroil'lem pan vach: Esther achem Pustok
- Hea vixoiavoir Romi Konknnint boroil'lem pan vach: Esther achem Pustok
एस्थेर आचें पुस्तक[बदल]
Book of Esther
जुदिताच्या पुस्तकांत एके अस्तोरये वरवीं देसाची सुटका जाता, तेच परीं ह्या-ई पुस्तकांत एस्थेर अस्तोरये उदेशीं देसाची सुटका जाता तें वर्णिलां. हामानाक राजान उंच जुटयेक वेंचून काडलोलो. तो एकदों विरोधी आनी पदवेदार आसलो. हामानाक लागून पॅर्सयेंत वस्ती करुन आसलोल्या जुदेवांचो जीव संकटांत आसलो. पूण योग्या वेलार एक तरणाटी जुदेव अस्तरी एस्थेर राणी जाली आनी मर्देकाय हाचें मार्गदर्शन घेवन जुदेवांक संकटांतले वाटायले. ह्या समयार सगळें बदलता. हामानाक गळार चडैतात, मर्देकाय ताचो जागो घेता, जुदेव आपल्या दुस्मानाक जिवेशीं मारुन उडैतात. आनी हें जैत समारंभूंक पुरीम उत्सव स्थापतात आनी दर वर्सा तो समारंभूंक नेम करतात.
आदल्या काळार लोक जुदेवांचो व्देस कोण परीं करतालो, तें ह्या एस्थेराच्या पुस्तकांत दाखयलां. जुदेव लोक कुशीन आनी एकलीं एकसुरीं जियेतालीं, हाका लागून हेर लोक आनी राजा पोरयान तांचो व्देस करताले. आंत्यकूस ऑपिफानेसाचे पिडापिडेचो उगडास कर. ह्या पुस्तकांत खूब रगत वारवललें पळेवन, आमकां 'धक'को बसतलो' पून हें पुस्तक क्रिस्ती आप-परगटणे आदीं बरयललें म्हण उगडास धरल्यार बरो.
ग्रीक भाशेंत, एस्थेराचें पुस्तक ११४ (वा ७८) क्रिस्ती शका आदीं थावन आसलें. पुरीं'चो उत्सव अस'सल म्हण म्हर मारुंक हें पुस्तक एजीप्ताक धाडललें. ( पळे एस्त. १०/३१). त्या वन आदीं हेबरेव भाशेंत एस्थेराचें पुस्तक आसलें १६० क्रिस्ता शका आदीं ( पळे २ माक. १५/३६), पालेस्तीनांतले जुदेव, "मर्देकायाचो दिस" समारंभताले. ह्या वरवीं एस्थेराचें पुस्तक आसलें म्हण स्पश्ट जाता.