RSG

Lynette Francis kyk na die verhouding tussen plaaswerkers en plaaseienaars tydens 'n regstreekse uitsending van Worcester se stadsaal af.

'n Moeder met 'n kind van agt wat daagliks ingespuit moet word vir tipe 1 diabetes, vertel van die probleme wat sulke kinders het. Hulle is nog te klein om hulleself in te spuit en onderwysers weier dikwels om dit te doen. So het 'n kleuterskoolkind onlangs in die intensiewe sorgeenheid beland. Onderwysers voel weer hulle stel hulleself bloot aan eise as iets verkeerd loop en is daarom selfs huiwerig om eerstehulp toe te pas.

WOLWEDANS IN DIE SKEMER deur Leon van Nierop
Episode 17: Sersant Berta ondervra Ryno oor Yolande se verdwyning. Hy raak al meer gespanne. Dan skors Adéle Ryno vir die tweede keer en hy vervies hom.

Haidee Muller kyk na eetsteurings. Sy hoor hoe jongmense oor die land voel en hoe ‘n skaam tiener ‘n leier kan word?

Loftus Marais lees verse uit sy bundel KRY MY BY DIE GEWONE PLEK AGUUR.

Frieda van den Heever lees Abraham H de Vries se kortverhaal STAAN POPPIE STAAN.

'n Luisteraar sê as 'n mens kyk na die definisies en beskrywing van verskillende sportsoorte soos in hulle reëls vervat, is gholf by uitstek geskik vir dom mense.

WOLWEDANS IN DIE SKEMER deur Leon van Nierop
Episode 18: Luitenant Nolte help Berta om weer water te kry. Sonja maak twee interessante ontdekkings oor haar verlede. En Berta sien iets grusaams in die bos.

REKENAARRUBRIEK: Wat is Gauss-kwaadware en hoe weet ek of dit op my rekenaar is?

'n Munisipaliteit het onlangs 'n beroep op sy inwoners gedoen om verassing te oorweeg omdat die begraafplaas so te sê vol is.

WOLWEDANS IN DIE SKEMER deur Leon van Nierop
Episode 19: Adéle begin om Ryno se skorsing aan haar eie lyf voel. Die hotel loop leeg, maar sy is te trots om hom te vra om terug te kom.

Bettie Kemp vertel jou van vyf uitsonderlike en gewilde radiospelers - Trix Pienaar, Tine Balder, Wilna Snyman, Douwlina Grobler en Johann Nell.

Luister na ‘n trompetweergawe van PLAISIR D’AMOUR van Martini, die stem van die Koreaanse sopraan, Sumi Jo, en ‘n pragtige verwerking vir fluit en orkes van een van Pergolesi se koorwerke.

Luister na bekende en onbekende Afrikaanse musiek soos Driemaal geskryf deur Ina Engelbredht. Sy vertel van ’n pa wat die vreugde van sy drie dogters beleef. Daar is ook Etikette op jou Koffer deur Valiant Swart en Jan Scholtz. En wanneer laas het jy noukeurig na die woorde van Hasie deur Carstens en De Waal geluister?

Mariëtta Kruger praat met twee lede van die span wat Suid-Afrika in Oktober by die Kulinêre Olimpiese Spele in Duitsland verteenwoordig.

WOLWEDANS IN DIE SKEMER deur Leon van Nierop
Episode 20: Luitenant Conrad Nolte en Sersant Berta van Schalkwyk ondersoek ‘n reeks inbrake op Hazyview. Dan sien hulle iets interessants teen die kranse.

Haidee Muller gesels met die jong skoonheidsredakteur, Liezel Fourie, oor verskillende tienervelsoorte en hoe ‘n grimeerroetine werk. Dan hoor ons meer oor straatkuns by James Malgas, ‘n man wat al tydens die Sokker Wêreldbeker met sy tekentalent gespog het.

Amanda Olivier stel jou bekend aan die Kerimov Trio van Natal wat Russiese sigeunermusiek speel, Die Swingle Singers met ‘n Stephen Foster-keurspel, die Italiaanse groep Il Volo en Rupa and the April Fishes met ‘n interessante Spaanse lied.

Terrance April fokus op een van die toonaangewende komponiste uit die Laat-Barokperiode, George Philip Teleman.

Wat is die voordele van swem vir kinders met Down Sindroom?

Ivor Price ondersoek die impak van georganiseerde misdaad op die maatskaplike beheer wat die staat uitoefen, veral in die lig van die toenemende bendegeweld op die Kaapse Vlakte.

WOLWEDANS IN DIE SKEMER deur Leon van Nierop
Episode 21: Ryno maak hom tuis langs die rivier in ‘n tent en Adéle is woedend daaroor. En niks wat enigiemand doen, kan hom teruglok Hotel Njala toe nie.

Die Ratels-span slaap in ‘n verlate plaashuis waar hulle vreemde geluide hoor soos swaar voetstappe in die gang. Spook dit dalk daar?

Die eertydse ondergrondse beweging bekend as hip-hop het so gewild begin word dat die platemaaatskappye bewus daarvan begin word het. Hulle het skielik besef dat daar geld gemaak kan word. Daarom het hulle die musiek kalmeer om dit meer aantreklik te maak vir die massas.

WOLWEDANS IN DIE SKEMER deur Leon van Nierop
Episode 22: Armand en Sonja besoek haar ouerhuis. Maggie probeer Ryno oorreed om terug te kom. En Jan Joubert sit in Sonja se kamer en kyk hoe die poppie dans.

WOLWEDANS IN DIE SKEMER deur Leon van Nierop
Episode 23: Ryno is woedend omdat Armand Sonja na haar ouerhuis vergesel het. Jan Joubert se optrede raak al hoe meer bisar en Ryno geniet sy vryheid weg van Adele se tiranniese gesag.

REKENAARRUBRIEK: Is dit moontlik om inligting op kunsmatige DNA te stoor?

WOLWEDANS IN DIE SKEMER deur Leon van Nierop
Episode 24: Ryno is so bekommerd oor Sonja se veiligheid dat hy in sy slaapsak voor haar bed slaap. Jan Joubert vertel vir Sonja dat Arista snags in haar kamer sit en skaak speel.

KONING VAN KLAWERS deur Fonnie du Plooy
Theo Erasmus het op 6 Mei vanjaar 70 jaar oud geword en hy speel steeds lekker akkordeon. Agter hom lê dekades van musiek en prestasies. Hy het 57 langspelers en CD’s die lig laat sien.

Luister na ‘n paar danse soos ‘n polka van Gottshalk en ‘n mazurka van Glinka. Dan sing die Robert Shaw Kamersangers ook ‘n lied van Schubert.