Gwasanaeth Addysg - Y Llyfrgell Genedlaethol Cymru

Croeso i ystafell ddysgu Llyfrgell Genedlaethol Cymru – safle i bawb sydd am gael cyflwyniad i’r Llyfrgell arbennig hon a’i gwaith, a chael syniadau am sut i’w defnyddio. Os ydych yn dysgu siarad Cymraeg, arhoswch gyda ni ar y tudalennau Cymraeg a rhoi cynnig arni! Nid yw’r iaith yn rhy anodd, gobeithio.

Welcome to the learning room of the National Library of Wales – a site for anyone who wants an introduction to this unique Library and its work. First of all, choose a language. If you’re a Welsh learner, why not try using the Welsh version? If you prefer to use the English site, click on the link on the right.

Ar y safle yma mae, adnoddau a syniadau i athrawon a rhieni, tasgau a gemau i blant a gwybodaeth i ymwelwyr.

Mae dilyn llwybrau newydd mewn llyfrgell yn bleser. Gallwch ddilyn eich diddordeb a chael eich hysbrydoli i wneud mwy o ymchwil er mwyn dod i wybod mwy, neu ddeall yn well. Mae pob math o ffynhonellau ar gael i'ch helpu – llyfrau, dogfennau, mapiau, ffotograffau, lluniau, sain a ffilm a rhyngrwyd.
Dyma beth gall y Llyfrgell Genedlaethol eu cynnig i chi.

Yn y saith adran ar y wefan hon, gallwch ddarganfod sut le yw Llyfrgell Genedlaethol Cymru, a sut ddefnydd gallwch chi ei wneud o'r lle, i helpu eich dysgu chi eich hunan.
Cliciwch ar unrhyw un o'r lluniau ar y chwith i weld beth sydd yma.

--------------------------------------------------------------------------------------

Newyddion

Yn ystod 2006 cynhaliodd y Llyfrgell weithdai a seminarau i gofnodi 60 mlynedd ers diwedd yr Ail Ryfel Byd. Noddwyd y prosiectau hyn fel rhan o raglen EGED (Eu Gorffennol, Eich Dyfodol), a darparwyd pecynnau gwaith i gyd-fynd â hwy gan Wasanaeth Addysg y Llyfrgell a Culturenet Cymru.

Mae'r pecynnau yn bwrw golwg ar fywyd yng Nghymru yn ystod yr Ail Ryfel Byd, ac yn canolbwyntio ar yr ymdrechion a wnaethpwyd ar y ffrynt cartref.

Mae yna fersiynau cynradd ac uwchradd - yn Gymraeg a Saesneg - i'w gweld yn adran Adnoddau mewn ffurf PDF, ac mae croeso i chi eu lawrlwytho i'w defnyddio yn y dosbarth.

--------------------------------------------------------------------------------------

------------------------------------

Pwy yw hwn?
Cliciwch ar ei lun i weld

------------------------------------

Y Llyfrgell ei hun

Edrychwch o gwmpas y Llyfrgell ei hun. Gallwch ddarganfod ffeithiau diddorol a chael argraff o'r adeilad, y gwaith sy'n mynd ymlaen yma, a'r casgliadau. Gall ymchwilwyr ifanc fwynhau’r sialens o chwilota am wybodaeth ar y wefan gyfan gyda help ein Tasg Chwilota yn yr adran Adnoddau.

Ymweld

Mae manylion yma sut i drefnu ymweliad grŵp a chanllawiau trefnu taith. Hefyd, cewch fanylion am y sesiynau dysgu sy'n cael eu darparu yma i athrawon a disgyblion.

Ymchwilio

Yma fe gewch gyflwyniad syml i'r Gwasanaethau sydd ar gael. Hefyd gallwch ddarganfod Trysorau'r Llyfrgell i helpu eich ymchwilio arlein.

Adnoddau

Yn yr adran hon mae ein hadnoddau dysgu – rhai yn benodol i athrawon, eraill i blant, a rhai yn ddeunydd o ddiddordeb cyffredinol.

Bydd yr adran yn hon yn tyfu yn raddol, ac rydym yn croesawu syniadau am feysydd newydd i’w datblygu. Gall yr adran hwyliog i’r plant fod yn adnodd dysgu hefyd, wedi ei seilio ar gasgliadau a gwaith y Llyfrgell.

Beth sy' 'mlaen?

Mae’r Calendr yn ffordd hawdd o weld yr amrywiaeth o arddangosfeydd sydd yn y Llyfrgell o fis i fis.

Sylwadau

Nid deialog un-ffordd fydd y safle hon, gobeithio. Mae croeso i chi fynegi eich barn – ar y wefan ei hun, ar y profiad o ddod i’r Llyfrgell, ar pa mor ddefnyddiol yw’r adnoddau – neu i awgrymu pethau fyddai’n cwrdd â’ch anghenion chi. Mae’r ffurflen adborth yn gyswllt uniongyrchol at y gwasanaeth addysg. Croeso i unrhyw un ymateb.

Plant

Safle hwyliog i'r plant, gyda'i chystadlaethau a'i phosau a'i oriel arddangos. Fan hyn mae casgliadau'r Llyfrgell yn troi'n faes chwarae a meddwl i bawb sy'n ifanc ei oed neu ei ysbryd. (Gall y tasgau yn yr adran hon fod yn ddefnyddiol ar gyfer y dosbarth hefyd.)

Rhyfeddodau

Yma mae cyfle i weld amrywiaeth cyson o ddeunyddiau sy'n ran o'r rhyfeddodau sydd yn y Llyfrgell – pethau prin, pethau annisgwyl, pethau arwyddocaol, pethau hardd. Gallwch ddarllen hefyd am hoff bethau rhai o'r bobl sy'n defnyddio'r Llyfrgell yn gyson, a deall sut y daethon nhw o hyd i'r fath bethau wrth ymchwilio. Agorwch gloriau y llyfr trysorau i weld pa bethau diddorol sy'n cuddio ar y tudalennau.