Darlithoedd Misol

Yn ogystal â'r darlithoedd hynod o boblogaidd sy'n cael eu traddodi yn y Drwm (ar ddydd Mercher cyntaf pob mis), rydym ni wedi cyflwyno dangosiadau ffilm amser cinio ar drydydd dydd Mercher pob mis.

Ceir manylion pellach yn ein rhaglenni ar-lein a phrint.

1 Ionawr 2007

Diwrnod codi ein baneri canmlwyddiant uwchben y Llyfrgell. Bydd y rhain yn cael eu chwifio drwy gydol y canmlwyddiant ar wahân i adegau pan fyddwn ni'n nodi achlysuron swyddogol â baneri cenedlaethol.

26 Ionawr 2007

Cyfres Darlithoedd Canmlwyddiant y Sefydliad Materion Cymreig. Darlith gan Andrew Green, Llyfrgellydd Llyfrgell Genedlaethol Cymru: 'National Libraries and Archives of the Future' 6.30 pm yn y Drwm, Llyfrgell Genedlaethol Cymru. Mynediad am ddim drwy docyn, sydd ar gael ar-lein www.llgc.org.uk/drwm neu o siop y Llyfrgell (01970) 632 548.

27 Ionawr 2007

Diwrnod Agored y Llyfrgell. Ymunwch â'r bardd adnabyddus Gwyneth Lewis, Bardd Cenedlaethol Cymru 2005-6, mewn gweithdai barddoniaeth i blant yn y bore am 11.00 am (8-10 oed), gyda darlleniadau gan Gwyneth am 2.00 pm. Bydd cyfres o deithiau o gwmpas y Llyfrgell yn cael eu cynnal, fydd yn amlygu gwahanol agweddau o'n casgliadau a'n gwaith. Bydd gweithgareddau eraill i blant yn cael eu cynnal drwy gydol y dydd. Bydd dyn tywydd y BBC, Derek Brockway yn ymuno â ni am 3.00 pm ym Mwyty Pendinas, a bydd cyfle i'w gyfarfod, sicrhau copi wedi'i lofnodi o'i lyfr diweddaraf 'Weatherman Walking', a mwynhau paned o de.

1 Mawrth 2007. Diwrnod y Llyfr.

Darlith Gymraeg gan Dr Rhidian Griffiths 'Dinas a osodir ar fryn: canrif Llyfrgell Genedlaethol Cymru'. Cyfres seminar, yn y Ganolfan Uwchefrydiau Cymreig a Cheltaidd, Prifysgol Cymru, Aberystwyth, 5.00 pm.

Bydd ein Hadran Addysg hefyd yn cynnal gweithdai ar y thema 'Taith y Llyfr' fydd wedi'u hanelu at ddisgyblion ysgol gynradd.

Caiff rhaglen deledu, Defodau Dewi Sant ei darlledu ar S4C. Bydd y rhaglen yn rhoi sylw i The Penpont Antiphonal, sydd yn un o drysorau llawysgrifol y Llyfrgell o'r oesoedd canol. Bydd y rhaglen yn cynnwys perfformiad o'r llawysgrif gerddorol hon na chlywir mohoni'n aml, i ddathlu Dewi Sant, ein Nawdd Sant Cenedlaethol.

7 Mawrth 2007

Cyflwyniad awr ginio gan Andrew Green: 'John Ballinger- First Librarian of the National Library of Wales.' Bydd Llyfrgellydd presennol y Llyfrgell yn olrain hanes y Llyfrgellydd Cenedlaethol cyntaf. Mynediad am ddim trwy docyn arlein www.llgc.org.uk/drwm neu o Siop y Llyfrgell (01970) 632 548.

8 Mawrth 2007

Cyfres Darlithoedd Canmlwyddiant y Sefydliad Materion Cymreig. Darlith gan Michael Houlihan, Cyfarwyddwr Cyffredinol Amgueddfa Genedlaethol Cymru: 'National Museums of the Future' 6.30 pm Amgueddfa Genedlaethol Cymru, Caerdydd.

12 Mawrth 2007

Lansio 'Myths, Memories and Futures' sef cyfrol yn cynnwys darlithoedd Canmlwyddiant y Sefydliad Materion Cymreig, 5.00pm yn y Drwm, Llyfrgell Genedlaethol Cymru. Siaradwr gwadd: Peter Stead. Mynediad am ddim drwy docyn sydd ar gael arlein www.llgc.org.uk/drwm neu o Siop y Llyfrgell (01970) 632 548.

14 Mawrth 2007

Bydd Dr. Eryn Mant White yn traddodi darlith 'Peter Williams a'r Beibl Cymraeg' yn y Drwm am 6.30, dan nawdd Anrhydeddus Gymdeithas y Cymmrodorion. Mi fydd Dr. Brynley Roberts, Aberystwyth yn cael ei anrhydeddu yn ystod y noson. Mynediad am ddim drwy docyn ar-lein www.llgc.org.uk/drwm neu o Siop y Llyfrgell (01970) 632548.

19 Mawrth 2007

Diwrnod y Canmlwyddiant. Bydd y Llyfrgell yn anfon cyfarchion i Lyfrgelloedd Cenedlaethol y byd, wedi'u cyfansoddi'n arbennig gan Gwyneth Lewis, Bardd Cenedlaethol Cymru 2005-6.

Agoriad swyddogol arddangosfa canmlwyddiant y Llyfrgell, Yn y Lle Hwn, gan Dr R Brinley Jones, Llywydd Llyfrgell Genedlaethol Cymru, yn y Llyfrgell Genedlaethol am 2.30 pm. Yn hwyrach yn y prynhawn bydd dathliad yn cael ei gynnal i staff y Llyfrgell. Bydd llifoleuadau newydd y Llyfrgell yn cael eu cynnau yn yr hwyr.

Lansio Glaniad - gwefan newydd sy'n adrodd hanes sefydlu'r gwladfeydd Cymreig ym Mhatagonia, yn ystod arddangosfa sy'n ymwneud â Phatagonia yn Neuadd y Ddinas, Caerdydd, 4.00 pm yng nghwmni'r Gwir Anrhydeddus Rhodri Morgan, Prif Weinidog Llywodraeth Cynulliad Cymru a Sr.Mario Das Neves, Llywodraethwr Chubut.

20 Mawrth 2007

Y trydydd digwyddiad mewn rhaglen o weithgareddau a gynhelir ar y cyd â Chymunedau'n Gyntaf. Bwyd i'r meddwl a'r corff gyda fersiwn y Llyfrgell o 'Ready Steady Cook'.

21 Mawrth 2007

Dangosiad amser cinio o 'Dylan Thomas' yn y Drwm gan gydweithwyr o Archif Sgrîn a Sain Cymru, Llyfrgell Genedlaethol Cymru, Aberystwyth. Mynediad am ddim drwy docyn ar-lein www.llgc.org.uk/drwm neu o Siop y Llyfrgell (01970) 632 548.

23 Mawrth 2007

Digwyddiad dathliadol a drefnir gan Gymdeithas Staff Llyfrgell Genedlaethol Cymru.

29 Mawrth 2007

Ymweliad gan y Gwir Anrhydeddus Rhodri Morgan, Prif Weinidog Llywodraeth Cynulliad Cymru â'r Llyfrgell. Fe fydd gwefan newydd y Llyfrgell yn cael ei lansio.

29 Mawrth 2007

Bydd BBC Wales yn darlledu pedair rhaglen ddogfen wythnosol, Tales from The National Library, yn ymwneud â Llyfrgell Genedlaethol Cymru, ei hanes a'i thrysorau. Trevor Fishlock fydd yn cyflwyno'r rhaglenni.

5-7 Ebrill 2007

Lansio arddangosfa CLIC: Visualising Wales / Delweddu Cymru yn Llyfrgell Genedlaethol Latfia, yn Riga. CLIC yw'r prosiect cydweithredol cyntaf i'w ddatblygu o ganlyniad i gysylltiadau a sefydlwyd rhwng Llyfrgell Genedlaethol Cymru a Latvia. Prosiect gweledol yw hwn ar y cyfan, ac mae'n cynnwys ffotograffiaeth gan bedwar aelod o staff Llyfrgell Genedlaethol Cymru. Bydd yr arddangosfa i'w gweld rhwng 5 Ebrill a 3 Mai 2007.

20 Ebrill 2007

Cyfarfod o Grwp Llyfrgelloedd Llywodraethol Ffederasiwn Rhyngwladol y Cymdeithasau Llyfrgell (IFLA) yn Llyfrgell Genedlaethol Cymru, Aberystwyth.

26-27 Ebrill 2007

Cynhadledd y Consortiwm Llyfrgelloedd Prifysgol ac Ymchwil (CURL) yn Llyfrgell Genedlaethol Cymru, Aberystwyth.

5 - 7 Mai 2007

Who Do You Think You Are- LIVE Olympia, Llundain. Cyfle gwych i drafod ymchwil hanes teulu Cymru gyda arbennigwyr o Lyfrgell Genedlaethol Cymru.  Mynediad drwy tocyn o flaen llaw neu wrth y drws.  Cynnigir gostyngiad mewn prisiau tocynnau a archebu'r o flaen llaw 0870 166 0443.

10 Mai 2007

Bydd S4C yn darlledu chwe rhaglen Gymraeg â'r teitl Y Llyfrgell, yn hyrwyddo'r Llyfrgell a'i thrysorau. Cyflwynir gan Mererid Hopwood.

10 Mai 2007

Digwyddiad cymdeithasol i staff sydd wedi ymddeol

17-18 Mai 2007

Cynhadledd Llyfrgell a Gwybodaeth Cymru i'w chynnal yn Llandrindod. Darlithoedd gan Andrew Green, Llyfrgellydd, Llyfrgell Genedlaethol Cymru a Michael Houlihan, Cyfarwyddwr Cyffredinol, Amgueddfa Genedlaethol Cymru, a chyfle i ddathlu'r canmlwyddiant gyda chyrff proffesiynol.

28 Mai  2007

Gŵyl y Gelli. Darlith gan Trevor Fishlock, awdur Yn y Lle Hwn /In this Place, llyfr yn dathlu canmlwyddiant Llyfrgell Genedlaethol Cymru. 10am, Llwyfan Segovia. Tocynnau - £5, ar gael wrth swyddfa'r Wyl ar 0870 9901299 neu www.hayfestival.com

28 Mai- 2 Mehefin 2007

Eisteddfod Genedlaethol yr Urdd. Presenoldeb Llyfrgell Genedlaethol Cymru nesaf at Amgueddfa Genedlaethol Cymru ar faes yr Eisteddfod. Llyfrgell Genedlaethol Cymru yn noddi defod y Cadeirio, sydd i'w chynnal ar ddydd Iau 31 Mai. Cyfle unigryw i gefnogi beirdd ifanc y dyfodol.  Am 11.30 ym mhabell y Llyfrgell ar faes yr eisteddfod fe fydd Mererid Hopwood yn lansio cyfrol canmlwyddiant y Llyfrgell Yn y Lle Hwn.

11- 15 Mehefin 2007

Cynhadledd Grŵp Rhyngwladol y Llyfrgelloedd Cyhoeddi (IGPL), a drefnir gan Lyfrgell Genedlaethol Cymru, Aberystwyth.

21 Mehefin – 5 Gorffennaf 2007

Lansio arddangosfa CLIC: Visualising Wales / Delweddu Cymru yn Llyfrgell Genedlaethol Estonia, yn Nhallinn. CLIC yw'r prosiect cydweithredol cyntaf i'w ddatblygu o ganlyniad i gysylltiadau a sefydlwyd rhwng Llyfrgell Genedlaethol Cymru ac Estonia. Prosiect gweledol yw hwn ar y cyfan, ac mae'n cynnwys ffotograffiaeth gan bedwar aelod o staff Llyfrgell Genedlaethol Cymru a detholiad o ffilmiau byrion a ddewiswyd gan Archif Genedlaethol Sgrin a Sain Cymru.

21 Mehefin 2007

Lansio 'Welsh Furniture 1250-1950. A Cultural History of Craftsmanship & Design' gan Richard Bebb. Cynhyrchwyd gyda chymorth Llyfrgell Genedlaethol Cymru. 7.00 pm. Mynediad am ddim drwy docyn ar-lein www.llgc.org.uk/drwm neu o Siop y Llyfrgell (01970) 632 548.

22- 23 Mehefin 2007

Llyfrgell Genedlaethol Cymru yn cynnal cynhadledd haf Cymdeithas Hanes Meddygaeth Cymru.

7 Gorffennaf 2007

Cyfarfod Cyffredinol Blynyddol Cyfeillion y Llyfrgell. Y cyfle cyntaf i weld ffilm fer yn hyrwyddo'r Llyfrgell, a noddwyd yn rhannol gan Gyfeillion y Llyfrgell.

10 Gorffennaf 2007

 Darlith Syr John Williams, i'w thraddodi gan Dr R Brinley Jones, Llywydd Llyfrgell Genedlaethol Cymru, Aberystwyth, ac a gynhelir, ynghyd â derbyniad, yn Ystafell Ddarllen y Gogledd. Lansio argraffiad cyfyngedig arbennig gan Wasg Gregynog sy'n cynnwys cerddi gan Gwyneth Lewis a gomisiynwyd gan y Llyfrgell yn 2007.

23-26 Gorffennaf 2007

Mae'r Llyfrgell yn trefnu presenoldeb ar y cyd ag Amgueddfa Genedlaethol Cymru yn Sioe Amaethyddol Frenhinol Cymru, Llanelwedd.

4-11 Awst 2007

Bydd y Llyfrgell yn trefnu stondin ar y cyd ag Amgueddfa Genedlaethol Cymru yn Eisteddfod Genedlaethol Cymru Sir y Fflint 2007. Bydd Coron 2007, a gynlluniwyd gan y gemydd o Lanelli, Mari Thomas, yn cael ei chyflwyno ar y cyd gan Lyfrgell Genedlaethol Cymru ac Amgueddfa Genedlaethol Cymru, ar ddydd Llun 6 Awst.

31 Awst - 1 Medi 2007

Cynhelir Cynhadledd Ryngwladol David Jones 'Illuminating his library' yn Llyfrgell Genedlaethol Cymru, Aberystwyth.

Medi 2007

Arddangosfa gelf wedi'i chreu yn sgil cyfres o weithdai a gynhaliawyd yn y Llyfrgell gan aelodau o Ganolfan Plas Lluest, Aberystwyth.

20 Medi 2007

Aiff Cyfarfod Ymestyn blynyddol Bwrdd Llyfrgell Genedlaethol Cymru â'r Llyfrgell i Ben-y-graig, y Rhondda i gael dathliad canmlwyddiant arbennig.

25-28 Hydref 2007

Gŵyl Ffilm: Clasuron Sgrîn Cymru. Archif Sgrîn a Sain Genedlaethol Cymru a Chanolfan y Celfyddydau Aberystwyth yn dod ynghyd i barhau â dathliadau canmlwyddiant y Llyfrgell. Cynhelir dangosiadau yn y ddau leoliad.

3 Tachwedd 2007

Cyfeillion Llyfrgell Genedlaethol Cymru yn ymweld ag Amgueddfa Genedlaethol Cymru.

10 Tachwedd 2007

Lens 3. Bobl a Phortreadau. Gŵyl Ffotograffiaeth Ddogfennol Gymreig Trydedd gynhadledd flynyddol yr achlysur hynod lwyddiannus hwn, i unrhyw un sydd â diddordeb mewn ffotograffiaeth yng Nghymru, a gynhelir yn Llyfrgell Genedlaethol Cymru, Aberystwyth.

Rhagfyr 2007

Cynlluniau i gynorthwyo â lansiad dathliadau canmlwyddiant Comisiwn Brenhinol Henebion Cymru 2008 sydd i'w gynnal yn Llyfrgell Genedlaethol Cymru.

Yn ystod blwyddyn y canmlwyddiant bydd nifer o raglenni radio yn cael eu darlledu bydd yn rhoi sylw i'r Llyfrgell. Bydd BBC Radio Cymru yn darlledu'r gyfres 'Dweud Cyfrolau', a gyflwynir gan Hywel Gwynfryn (2 Ionawr 2007). Bydd BBC Radio Wales yn darlledu'r gyfres 'Shelf Life', a gyflwynir gan Trevor Fishlock (1 Chwefror 2007). Bydd BBC Radio 4 yn darlledu rhaglen a fydd yn cynnwys barddoniaeth o gasgliadau'r Llyfrgell yn y gyfres 'Great Libraries' (Mawrth 2007), a gyflwynir gan Joan Bakewell. Bydd Radio Ceredigion hefyd yn darlledu cyfres o 8 o raglenni a fydd yn cynnwys aelodau o staff yn trafod y Llyfrgell a'i gwaith.

Yn ystod dathliadau blwyddyn y canmlwyddiant, bydd plac yn cael ei osod ar yr Hen Ystafelloedd Ymgynnull, Aberystwyth, i goffáu safle cyntaf Llyfrgell Genedlaethol Cymru.

Caiff cyfres o arddangosfeydd teithiol yn seiliedig ar Lyfrgell Genedlaethol Cymru eu cynnal mewn gwahanol lyfrgelloedd cyhoeddus drwy Gymru. Bydd y rhain yn cynnwys Wrecsam, Merthyr Tudful, Sir Benfro a Gwynedd.